'/%3E%3C/svg%3E){kind=small}
ဖာပွန်မြို့နယ်မှာ စစ်ကောင်စီတပ်ဖွဲ့ဝင်တွေနဲ့ ကေအန်ယူတို့ကြား နှစ်ဖက်ပစ်ခတ်မှုတွေ ရှိနေပြီး ထိခိုက်သေဆုံးမှုတွေ ရှိနေတယ်လို့ သတင်းရရှိပါတယ်။
ဒီကနေ့ မနက်ပိုင်းက ဖာပွန်မြို့နယ် လဂွန်းပျိုကျေးရွာဘက်မှာ စစ်ကောင်စီတပ်ရဲ့ ရိက္ခာကားတန်းကို ကေအန်ယူတပ်ဖွဲ့က မိုင်းဆွဲတိုက်ခိုက်ခဲ့ပြီး နှစ်ဖက်အပြန်အလှန်ပစ်ခတ်မှုကြောင့် စစ်ကောင်စီဘက်က အကျအဆုံးများတယ်လို့ နယ်မြေခံကေအန်ယူအရာရှိတစ်ဦးရဲ့ ပြောကြားချက်အရ သိရပါတယ်။
ဒါ့အပြင် ဖာပွန်- ကတိုင်တိလမ်း ခွေးသေကျေးရွာမှာလည်း ကရင်နယ်ခြားစောင့်တပ်ရဲ့ ယာဉ်ကို မိုင်းဆွဲတိုက်ခိုက်လို့ နယ်ခြားစောင့်တပ်ဘက် တပ်ဖွဲ့ဝင်တစ်ဦးလည်း သေဆုံးသွားခဲ့ပါသေးတယ်။
ဖာပွန် ကတိုင်တိ ကမမောင်းလမ်းမတစ်လျှောက်မှာ နေ့စဉ်လိုလို တိုက်ပွဲတွေ ဆက်လက်ဖြစ်ပွါးနေပါတယ်။
Public Service Announcement
ဒီကနေ့ညပိုင်းမှာလည်း ဖာပွန်မြို့ပေါ်က ဝေဠုဝန်ဘုန်းကြီးကျောင်းမှာ တပ်စွဲထားတဲ့ စစ်ကောင်စီတပ်ဖွဲ့တွေက လက်နက်ကြီးတွေနဲ့ ကျေးရွာတွေဘက်ကို ရမ်းသမ်းပစ်ခတ်ခဲ့တယ်လို့ ဒေသခံတွေက ပြောကြပါတယ်။
