Connect with us

Hi, what are you looking for?

LuduNwayOo

News

ဖာပွန်ဘက်မှာ တိုက်ပွဲ​​တွေနေ့တိုင်းဖြစ်​​နေ

စစ်​ကောင်စီတပ်​တွေ အကျဆုံးများ

ဖာပွန်မြို့နယ်မှာ စစ်ကောင်စီတပ်ဖွဲ့ဝင်တွေနဲ့ ကေအန်ယူတို့ကြား နှစ်ဖက်ပစ်ခတ်မှုတွေ ရှိနေပြီး ထိခိုက်သေဆုံးမှုတွေ ရှိနေတယ်လို့ သတင်းရရှိပါတယ်။

ဒီကနေ့ မနက်ပိုင်းက ဖာပွန်မြို့နယ် လဂွန်းပျိုကျေးရွာဘက်မှာ စစ်ကောင်စီတပ်ရဲ့ ရိက္ခာကားတန်းကို ကေအန်ယူတပ်ဖွဲ့က မိုင်းဆွဲတိုက်ခိုက်ခဲ့ပြီး နှစ်ဖက်အပြန်အလှန်ပစ်ခတ်မှုကြောင့် စစ်ကောင်စီဘက်က အကျအဆုံးများတယ်လို့ နယ်မြေခံကေအန်ယူအရာရှိတစ်ဦးရဲ့ ပြောကြားချက်အရ သိရပါတယ်။

ဒါ့အပြင် ဖာပွန်- ကတိုင်တိလမ်း ခွေးသေကျေးရွာမှာလည်း ကရင်နယ်ခြားစောင့်တပ်ရဲ့ ယာဉ်ကို မိုင်းဆွဲတိုက်ခိုက်လို့ နယ်ခြားစောင့်တပ်ဘက် တပ်ဖွဲ့ဝင်တစ်ဦးလည်း သေဆုံးသွားခဲ့ပါသေးတယ်။

ဖာပွန် ကတိုင်တိ ကမမောင်းလမ်းမတစ်လျှောက်မှာ နေ့စဉ်လိုလို တိုက်ပွဲတွေ ဆက်လက်ဖြစ်ပွါးနေပါတယ်။

ဒီကနေ့ညပိုင်းမှာလည်း ဖာပွန်မြို့ပေါ်က ဝေဠုဝန်ဘုန်းကြီးကျောင်းမှာ တပ်စွဲထားတဲ့ စစ်ကောင်စီတပ်ဖွဲ့တွေက လက်နက်ကြီးတွေနဲ့ ကျေးရွာတွေဘက်ကို ရမ်းသမ်းပစ်ခတ်ခဲ့တယ်လို့ ဒေသခံတွေက ပြောကြပါတယ်။

You May Also Like

သတင်း

ယမန်နေ့ (ဇန်နဝါရီ ၃၁ရက်) မွန်းလွဲပိုင်းက အရာတော်မြို့နယ်၊ သလဲဘာကျေးရွာရှိ မူးတံတားဂိတ် စောင့် စစ်ကောင်စီတပ်ဖွဲ့ဝင်များနှင့် စပါးတွင်းကျေးရွာမှ ပျူစောထီးများအား ဗုံးသီးချ တိုက်ခိုက်ခဲ့ခြင်း ဖြစ်သည်။

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။

သတင်း

ဇန်နဝါရီ ၂၉ ရက် မွန်းလွဲပိုင်းကလည်း မြင်းခြံမြို့နယ်၊ နဘူးအိုင်ရွာမှ ထွက်ခွာလာသော စစ်အုပ်စုလိုက်ပါလာသည့် ပါကျဲရိုးကားတစ်စီးအား မိုင်းဆွဲတိုက်ခိုက်ခဲ့ရာ ကားပေါ်ပါ စစ်ကောင်စီအုပ်စုထိခိုက်မှုများရှိနိုင်ကြောင်း ရွှေခြံသားပြောက်ကျားတပ်ဖွဲ့က သတင်းထုတ်ပြန်ထားသည်။

သတင်း

စစ်ကောင်စီဘက်မှ လစာ​ငွေများယူ​ဆောင်သွားခြင်းမှာ ဒေသခံကာကွယ်ရေးတပ်များလုပ်သည်ဟု သတင်းလွှင့်​နေ​ကြောင်း ​ဒေသခံများက​ပြောသည်။