Connect with us

Hi, what are you looking for?

News

မိုးဗြဲရဲစခန်း မီး​လောင်ပြာကျ၊ စစ်​ကောင်စီ၏ ရဲ​လေးဦး အရှင်ဖမ်းမိ

ရှမ်း-ကယားနယ်စပ်က မိုးဗြဲရဲစခန်းကို ဒေသခံပြည်သူ့ကာကွယ်ရေးတပ်(PDF) က ယနေ့နေ့လည်ပိုင်းမှာသိမ်းပိုက်ပြီး မီးရှို့ဖျက်ဆီးလိုက်ပါတယ်။

ရဲစခန်းကို သိမ်းပိုက်ရာမှာ စစ်​ကောင်စီတပ်ဖွဲ့ဝင် အချို့သေဆုံးပြီး ၄ ဦးကို ဖမ်းဆီးရမိတယ်လို့ ပြည်သူ့ကာကွယ်​ရေးတပ်ဖွဲ့ဝင်တစ်ဦးက​ပြောပါတယ်။

ဖယ်ခုံမြို့နယ် မိုးဗြဲမြို့ရဲစခန်းကို ဒီနေ့မနက် ၉နာရီလောက်က စပြီး ပြည်သူ့ကာကွယ်ရေး တပ်တွေက တိုက်ခိုက်ခဲ့တာမှာ နေ့လည် ၁၂နာရီလောက်မှာ ရဲစခန်းကို မီးရှို့လိုက်တယ်လို့ မိုးဗြဲဒေသခံ တစ်ဦးက ပြောပါတယ်။

ကယားပြည်နယ် လွိုင်ကော်မြို့ကနေ မိုးဗြဲမြို့ကို စစ်ကူလာတဲ့ စစ်ကောင်စီတပ်တွေကိုလည်း ကုန်းသာရွာအဝင်နားမှာ ဒေသခံ ကာကွယ်ရေးတပ်ဖွဲ့တွေက ဒီကနေ့
၁၂ နာရီခွဲလောက်မှာ ကြားဖြတ်တိုက်ခိုက်လိုက်တယ်လို့ သိရပါတယ်။

ဒါ့အပြင် မိုးဗြဲမြို့အနီးက ပီကင်းကောခူကျေးရွာနားမှာလည်း စစ်ကောင်စီ တပ်တွေကို ဒေသခံ ပြည်သူ့ကာကွယ်ရေးတပ်တွေက ထပ်မံ ကြားဖြတ်တိုက်ခိုက်နေတယ်လို့ မိုးဗြဲမြို့ခံက ပြောပါတယ်။

Public Service Announcement

Public Service Announcement

စ်ကောင်စီရဲ့ မိုးဗြဲအခြေစိုက် ၄၂၂ တပ်ရင်းကလည်း ဒီကနေ့ နေ့လည်ပိုင်းအထိ လက်နက်ကြီးတွေနဲ့ ပစ်ခတ်နေလို့ အမျိုးသမီးတစ်ယောက် ဒဏ်ရာရပြီး ဒေသခံ နေအိမ်အချို့ ပျက်စီးမှု ဖြစ်ခဲ့ရတယ်လို့လည်း မိုးဗြဲမြို့ခံက ပြောပြပါတယ်။

မေလ ၂၀ရက်က စပြီး ကယားပြည်နယ် ဘောလခဲနဲ့ ဒီးမော့ဆို မြို့နယ်တွေမှာ ဒေသခံ တိုင်းရင်းသားလက်နက်ကိုင်တပ်တွေနဲ့ ပြည်သူ့ကာကွယ်ရေးတပ်တွေက အာဏာသိမ်းစစ်ကောင်စီ တပ်တွေ အကြား တိုက်ပွဲတွေ ဖြစ်နေခဲ့တာပါ။

ဆက်စပ်သတင်းများ

သတင်း

ရှမ်းပြည်နယ်တောင်ပိုင်း၊ဖယ်ခုံမြို့နယ်လအိရွာ ဘုန်ကြီးကျောင်းကို အသေခံဒရုန်းဖြင့်စစ်ကောင်စီတပ်နှင့် PNOပြည်သူ့စစ်များကတိုက်ခိုက်ခဲ့ရာစာသင်နေသည့်မူလတန်းအရွယ် ကလေးနှစ်ဦးထိခိုက်ဒဏ်ရာရရှိခဲ့ကြောင်း ဒေသခံများကပြောသည်။

သတင်း

ကချင်ပြည်နယ်၊ ဖားကန့်တွင် အရပ်ဝတ်စစ်ကောင်စီတပ်ဖွဲ့ဝင်များက အရပ်သားများအား ပစ်ခတ်သတ်ဖြတ်ပြီး တော်လှန်ရေးအင်အားစုများနှင့် ဒေသခံများကြား သွေးခွဲသည့်ဗျူဟာ ကျင့်သုံးနေကြောင်း KPDFနှင့်နီးစပ်သူများက သတိပေးသည်။

သတင်း

စစ်ကောင်စီ နှင့် ပူးပေါင်းပြီးပြည်သူ့ကာကွယ်ရေးတပ်ဖွဲ့များကိုတိုက်ခိုက်နေသည့်ရှမ်းနီတပ်(SNA)မှ ရဲဘော်တစ်ဦးသည်ပြည်သူ့ကာကွယ်​ရေးတပ်မ​တော်(PDF) ကသာခရိုင်အမှတ်(၄)တပ်ရင်းထံလက်နက်ချအလင်းဝင်ပြီး ပြည်သူ့ရင်ခွင်ခိုလှုံလာသည်။

သတင်း

ကမ္ဘာ့ရွှေ အမြင့်စျေးဖြင့် စျေးကွက်ပိတ်ခဲ့ပြီး ပြည် တွင်း၌ ရွှေသန့်စင်ဖိုများလုပ်ငန်းယာယီရပ်ရန် စစ်ကောင်စီက ဖိအားပေးနေကြောင်း ရွှေလုပ်ငန်းရှင် အချို့ကပြောသည်။