Connect with us

Hi, what are you looking for?

LuduNwayOo

News

ကချင်နှင့် ရှမ်းမြောက်တွင် KIA နှင့် စစ်ကောင်စီတို့ တိုက်ပွဲဖြစ်ပွား

ကချင်ပြည်နယ် မိုးမောက်မြို့နယ်နှင့် ရှမ်းပြည်နယ်မြောက်ပိုင်း ကွတ်ခိုင်မြို့နယ်တို့တွင် ကချင်လက်နက် ကိုင်အဖွဲ့(KIA)နှင့် အာဏာသိမ်းစစ်ကောင်စီတပ်တို့ ယနေ့ တိုက်ပွဲဖြစ်ပွားခဲ့ကြောင်း ဒေသခံများက ပြောသည်။

ဧပြီမှစ၍ တစ်လနီးပါးကြာတိုက်ပွဲပြင်းထန်ခဲ့သည့် မိုးမောက်မြို့နယ် မြို့သစ်ရွာ အနီးရှိ ဒေသအခေါ် စလောင်းကုန်း အနီးကားလမ်း၌ ယနေ့ နံနက် အစောပိုင်းတွင် တိုက်ပွဲဖြစ်ပွားခဲ့ဟု ကချင်ဒေသခံ တစ်ဦးက ပြောသည်။

“ အဲဒီအောက် ကားလမ်းမှာဖြစ်တာ။ သူတို့ လာတော့ ထိပ်တိုက်ရင်ဆိုင်မှုဖြစ်တာ။ ဖြစ်တော့ ထိခိုက်ဒဏ်ရာတော့ရှိတာပေါ့။ စလောင်းကုန်းကလည်း အရင်က တပ်က ထိုင်တဲ့နေရာ။ အဲဒီ စခန်းကို KIA က သိမ်းပိုက်ထားတာ အဲဒီမှာ လေယာဉ်နဲ့လာပစ် လက်နက်ကြီးနဲ့ ပစ်ဆိုတော့ ပြန်ရှောင်ပေးထားတဲ့ စခန်း။ အခုတပ်က အဲဒီမှာ ထိုင်ထားတာ” ဟု ၎င်းက ဆိုသည်။

ရှမ်းပြည်နယ် မြောက်ပိုင်း ကွတ်ခိုင်မြို့နယ်တွင်လည်း KIAနှင့် စစ်ကောင်စီတပ်တို့ ယနေ့ တိုက်ပွဲဖြစ်ပွားခဲ့ကြောင်း နမ့်ဖက်ကာဒေသခံ တစ်ဦးက ပြောသည်။
“ကျွန်တော်တို့နဲ့ နည်းနည်းဝေးတယ်။ မနက် ၉နာရီလောက်က ဖြစ်တာ။ ရှုခင်းသာမှာ ဖြစ်တာလို့ကြားတယ် ။ နမ့်ဖက်ကာနဲ့ဆိုရင် ၁၀မိုင်လောက်ဝေးတာပေါ့” ဟု ၎င်းက ဆိုသည်။ တိုက်ပွဲဖြစ်ပွားမှု အခြေအနေ အသေးစိတ်ကိုမူ မသိဟု နမ့်ဖက်ကာ ဒေသခံက ပြောသည်။

စစ်တပ်အာဏာသိမ်းပြီးနောက်ပိုင်း KIA အနေဖြင့် စစ်ကောင်စီ၏ တပ်စခန်းများ၊ ရဲကင်းစခန်းများ၊ ရဲစခန်းများကို တိုက်ခိုက်သိမ်းပိုက်ခဲ့ရာ စစ်ကောင်စီက လေကြောင်းဗုံးကြဲတိုက်ခိုက်မှုနှင့် လက်နက်ကြီးပစ်ခတ်မှုများ ဖြင့် ပြင်းပြင်းထန်ထန် တုံ့ပြန်ခဲ့သည်။ တိုက်ပွဲကာလအတွင်း စစ်ကောင်စီဘက်က အထိနာခဲ့ပြီး သေဆုံးဒဏ်ရာရသူ အများအပြားရှိခဲ့သည်။ စစ်ကောင်စီက နှစ်ပေါင်းသုံးဆယ်ကျော် စခန်းထိုင်ထားသည့် မိုးမောက်မြို့နယ် အလော့ဘွမ်တပ်စခန်းကို KIA က မတ်လ ၂၅ရက်က တိုက်ခိုက်သိမ်းပိုက်ခဲ့ရာ လက်ရှိအချိန်ထိ နေရာယူထားဆဲဖြစ်သည်။

Public Service Announcement

Public Service Announcement

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

အဆိုပါ သံချပ်ကာ မှာ ရုရှားလုပ် ကင်းထောက်သံချပ်ကာBRDM 2 အမျိုးအစားဖြစ်ပြီး ၂၀၂၁ မတ် ၂၇ စစ်ရေးပြပွဲတွင် စစ်​ကောင်စီက ပြသခဲ့ဖူးသည်။ စစ်​ကောင်စီက ရုရှားထံမှ BRDM2 သံချပ်ကာယာဥ် ၃၃ စီးဝယ်ယူထား​ကြောင်းသိရသည်။