လေယာဉ်ပေါ်မှာ ၁၆ ဦးခန့်ပါလာတာဖြစ်ပြီး ၁၂ ဦးသေဆုံးတာဖြစ်တယ်လို့ ဆိုပါတယ်။ ဒီကနေ့မနက်အစောပိုင်းက ပျက်ကျခဲ့တာဖြစ်ပြီး နယ်မြေခံမီးသတ်ကားတွေနဲ့ လူနာတင်ယဉ်တွေ အခင်းဖြစ်တဲ့နေရာကို သွားရောက်နေတယ်လို့လည်း ရေးသားထားပါတယ်။
ကနဦးထွက်ပေါ်လာတဲ့သတင်းတွေအရ အဲဒီလေယာဉ်ဟာ နေပြည်တော်ကနေ ပြင်ဦးလွင်ကို စာသင်တိုက်ပန္နတ်တော်တင်အခမ်းအနားလုပ်ဖို့ သံဃာတော်တွေနဲ့ အလှူရှင်တွေလိုက်ပါလာပြီး ပြင်ဦးလွင်အနီးစခန်းလေဆိပ်ကို ဆင်းသက်ချိန်မှာ ရာသီဥတုဆိုးရွားမှုကြောင့် ပျက်ကျသွားတာဖြစ်တယ်လို့ လည်းကြားသိရပါတယ်။
စစ်ကောင်စီတပ်အရာရှိနဲ့ အခြားအဆင့်တွေအပါအဝင် တပ်ဖွဲ့ဝင် ၆ ဦးပါဝင်ပြီးတော့ သံဃာ နှစ်ပါးနဲ့ တပ်မိသားစုတွေပါဝင်တာဖြစ်တယ်လို့လည်း သိရပါတယ်။
ဒီမနက်ဆိုရှယ်မီဒီယာမှာ တက်လာတဲ့ လေယာဉ်ပျက်ပုံတွေက ဒီမနက်ပျက်ကျတဲ့လေယာဉ်အမှန်ဆိုရင် အဲဒီလေယာဉ်အမျိုးစားတူတစ်စင်း ၂၀၁၆ ခုနှစ်က နေပြ်တော် လယ်ဝေးက လယ်ကွင်းထဲကို ပျက်ကျခဲ့ဖူးပြီးတော့ လေယာဉ်ပေါ်ပါလာတဲ့ လေးဦးစလုံး ပွဲချင်းပြီး သေဆုံးခဲ့တာဖြစ်ပါတယ်။
Public Service Announcement
ပုံထဲက လေယာဉ်ဟာ Beech 1900D သယ်ယူပို့ဆောင်ရေးလေယာဉ်အမျိုးအစားဖြစ်ပြီးတော့ စစ်တပ်က အရာရှိတွေ သုံးလေ့ရှိတဲ့လေယာဉ်ဖြစ်တယ်လို့ လည်းသိရပါတယ်။
