တရုတ်နိုင်ငံ ချုံကင်း၌ ကျင်းပခဲ့သော တရုတ်-အာဆီယံ နိုင်ငံခြားရေးဝန်ကြီးများ၏ အထူးအ စည်းအဝေးသို့တက်ရောက်ရန် ဖိတ်ကြားရာတွင် မင်းအောင်လှိုင်ကို မြန်မာနိုင်ငံခေါင်းဆောင်အဖြစ် ဖော်ပြခဲ့ခြင်းဖြစ်သည်။
တရုတ်သည် မြန်မာနိုင်ငံ၏ လက်ရှိနိုင်ငံရေးအကျပ်အတည်းကျော်လွှာနိုင်ရေးအတွက် စီးပွား ရေးအကူအညီပေးရန်ကတိပြုခြင်းဖြင့် မြန်မာပြည်တွင်းရေးကို အလွန်အကျွံ ကြားဝင်စွက်ဖက် ခြင်းဖြစ်ပြီး မြန်မာနိုင်ငံ၏ လုံခြုံရေးနှင့် ဒေသတွင်းတည်ငြိမ်ရေးကို ကြီးမားစွာ ခြိမ်းခြောက်ခြင်းလည်းဖြစ်သည်ဟု အရပ်ဖက်အဖွဲ့အစည်းများ၏ ထုတ်ပြန်ချက်၌ ဖော်ပြသည်။
“လက်ရှိအကျပ်အတည်းကို ဖြေရှင်းဖို့တစ်ခုတည်းသောနည်းလမ်းက မြန်မာပြည်သူတွေရဲ့ ဆန္ဒကို လေးစားဖို့နဲ့ ရွေးကောက်ခံအစိုးရကို ပြန်လည်နေရာပေးဖို့ပါ။ မင်းအောင်လှိုင်က အကြမ်းဖက်မှုအားလုံးကို ချက်ချင်းရပ်စဲဖို့၊ နိုင်ငံရေးအကျဉ်းသားအားလုံးကို ပြန်လွှတ်ပေးဖို့နဲ့ တိုင်းပြည် အနာဂတ်အတွက် ရေရှည်တည်တံ့တဲ့အဖြေဆီ ဦးတည်တဲ့ နိုင်ငံရေးဆွေးနွေးပွဲလုပ်ဖို့ တရုတ် အနေနဲ့ လုပ်ဆောင်သင့်ပါတယ်” ဟု ဆက်လက်ဖော်ပြသည်။
အမျိုးသားညီညွတ်ရေးအစိုးရ(NUG)ကလည်း တရုတ်နိုင်ငံခြားရေးဝန်ကြီး ဝမ်ယီထံ အိတ်ဖွင့် ပေးစာ ပေးပို့ခဲ့ပြီး ယင်းစာ၌ မင်းအောင်လှိုင်သည် တိုင်းပြည်၏ တရားဝင်ခေါင်းဆောင်မဟုတ်ဘဲ တိုင်း ပြည်ကို ထိန်းချုပ်ရန် အကြမ်းဖက်မှုများကျူးလွန်ကာ ၎င်း၏ ကျရှုံးသော ကြိုးပမ်းမှုများကြောင့် မြန်မာနိုင်ငံသားထောင်နှင့်ချီသေဆုံးခဲ့ပြီး နေရပ်စွန့်ခွာထွက်ပြေးတိမ်းရှောင်သူ တစ်သိန်းကျော် ရှိနေပြီဖြစ်သည်ဟု ဖော်ပြထားသည်။
Public Service Announcement
