Connect with us

Hi, what are you looking for?

LuduNwayOo

News

ရွေးကောက်ခံအမတ်တွေ ပြည်သူ့တာဝန် ထမ်းဆောင်လို့မရအောင် စစ်ကောင်စီလုပ်နေတယ်လို့ ဒီချုပ်ပါတီထုတ်ပြန်

အာဏာသိမ်းစစ်ကောင်စီက ဒီချုပ်ပါတီရွေးကောက်ခံလွှတ်တော်ကိုယ်စားလှယ်တွေကို CRPH၊ NUG၊ PDF တွေမှာပါဝင်ပတ်သက်တာမရှိဘူးလို့ ဖိအားပေးခြိမ်းခြောက်ပြီး ခံဝန်တွေထိုးခိုင်းနေတာဟာ တရားမဝင်ဘူးလို့ ဒီချုပ်ပါတီက ထုတ်ပြန်ကြေညာလိုက်ပါတယ်။

၂၀၂၀ နိုင်ဝင်ဘာ ၈ ရက်မှာ ကျင်းပပြီးစီးခဲ့တဲ့အထွေထွေရွေးကောက်ပွဲမှာ ရွေးကောက်ခံထားရတဲ့ ဒီချုပ်ပါတီ ကိုယ်စားလှယ်တွေကို ပြည်သူလူထုကတရားဝန်ပေးအပ်ထားတဲ့ တာဝန်တွေ မထမ်းဆောင်နိုင်အောင် ဆောင်ရွက်လာတာကို တွေ့ရတယ်လို့လည်း ထုတ်ပြန်ကြေညာချက်က ဆိုပါတယ်။

ဒီချုပ်ပါတီ အမတ်တွေဟာ ပြည်ထောင်စုရွေးကောက်ပွဲကောက်မရှင်ဆီကနေ လွှတ်တော်ကိုယ်စားလှယ်အသိအမှတ်ပြုလွှာရရှိထားပြီးဖြစ်ကာ ဖေဖော်ဝါရီ ၅ ရက်က တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေးကို ကျင်းပခဲ့တာဖြစ်ပါတယ်။

အဲဒီလွှတ်တော်အစည်းအဝေးကနေပြီးတော့ ပြည်ထောင်စုလွှတ်တော်ကိုယ်စားပြုကော်မတီ CRPH ကိုဖွဲ့စည်းတာဝန်ပေးအပ်ပြီး လွှတ်တော်ဆိုင်ရာလုပ်ငန်းတွေကို ပြည်တွင်းပြည်ပ ထောက်ခံမှုတွေနဲ့အတူ ဆောင်ရွက်နေတာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ဒါပေမယ့် စစ်ကောက်စီက ရွေးကောက်ခံလွှတ်တော်ကိုယ်စားလှယ်တွေကို တရားဝင်ရပ်တည်ခွင့်မရှိသေးတဲ့ ပုဂိုလ်တွေလို့ သတ်မှတ်ထားပြီး CRPG NUG PDF တို့နဲ့ သက်ဆိုင်မှုမရှိဘူးလို့ ဖိအားပေးခြိမ်းခြောက်လက်မှတ်ရေးထိုးခိုင်းတာတွေကို လိုက်နာဆောင်ရွက်ဖို့ လုံးဝမလိုဘူးလို့ ထုတ်ပြန်ချက်က ဆိုပါတယ်။

Public Service Announcement

Public Service Announcement

ဆက်စပ်သတင်းများ

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။

သတင်း

တော်လှန်ရေးပူးပေါင်းတပ် သိမ်းပိုက်ထားသည့် ခလရ(၂၇၅)တပ်မှ စစ်ကောင်စီတပ်သားများသည် ပြီးခဲ့သည့် ဧပြီ ၁၀ရက်ညကတည်းက အမှတ်(၂)တံတားသို့ထွက်​ပြေးလာပြီး ခိုလှုံ​နေခြင်းဖြစ်သည်။

သတင်း

RCSSသည် စစ်တပ်အာဏာသိမ်းပြီးနောက် စစ်ကောင်စီကို တစ်ကြိမ်မျှ မတိုက်ခိုက်ခဲ့ဘဲ ၊အာဏာသိမ်းစစ်​ကောင်စီနှင့် အမြဲတွေ့ဆုံဆွေးနွေးနေသည့် အဖွဲ့ဖြစ်သည်။

သတင်း

ဧပြီ ၂၀ရက်တွင် ဆီဆိုင်မြို့နယ် နားခိုက်ကျေးရွာရှိ PNLO ဒုဥက္ကဋ္ဌ(၂)ဖြစ်သူဗိုလ်မှူးချုပ်ခွန်ကျော်ထင်၏ မိသားစုပိုင်နေအိမ်၊ PNLAရဲဘော်အချို့ မိဘပိုင်နေအိမ်နှင့် ပြည်သူအချို့၏ နေအိမ်များကို PNO ပြည်သူ့ စစ်က ဖြိုချဖျက်ဆီးကာ မီးရှို့ဖျက်ဆီးခဲ့ခြင်းဖြစ်သည်ဟု ဖော်ပြသည်။