Connect with us

Hi, what are you looking for?

LuduNwayOo

News

အရပ်သားများအ​ပေါ် အာဏာသိမ်း စစ်တပ်က တိုက်ခိုက်မှုများအ​ပေါ် ကုလပြင်းထန်စွာရှုတ်ချ

အရပ်သားပြည်သူတွေ အထူးသဖြင့် အမျိုးသမီးနဲ့ကလေးငယ်တွေအပေါ် မြန်မာစစ်တပ်ရဲ့ ကြီး မားကျယ်ပြန့်ပြီး စနစ်တကျတိုက်ခိုက်မှုတွေကို ပြင်းထန်စွာရှုတ်ချတယ်လို့ ကုလသမဂ္ဂအတွင်း ရေးမှူးချုပ်ရဲ့ အထူးကိုယ်စားလှယ် Pramila Patten က ပြောပါတယ်။

မြန်မာနိုင်ငံမှာ စစ်တပ်ရဲ့ ဖမ်းဆီးထိန်းသိမ်းခံရသူတွေဟာ လိင်ပိုင်းဆိုင်ရာအကြမ်းဖက်မှုကျူးလွန်ခံရကြောင်း အစီရင်ခံစာတွေအပေါ် အလွန်အမင်းစိုးရိမ်မိတယ်လို့ ပဋိပက္ခအတွင်း လိင်ပိုင်းဆိုင်ရာအကြမ်းဖက်မှုနဲ့ သက်ဆိုင်တဲ့ အထက်ပါကုလအထူးကိုယ်စားလှယ်က ဇွန် ၂၅ ရက်မှာ ထုတ်ဖော်ပြောကြားခဲ့တာဖြစ်ပါတယ်။

“ထိန်းသိမ်းခံထားရတဲ့အခြေအနေမှာ လိင်ပိုင်းဆိုင်ရာအကြမ်းဖက်မှုအစီရင်ခံစာတွေ ထွက်ပေါ် လာတာဟာ အလွန်ပဲစိတ်ပျက်စရာကောင်းပါတယ်။ အမျိုးသမီးတွေအပေါ်ကျူးလွန်တဲ့ အကြမ်း ဖက်မှုပုံစံအားလုံးကို အဆုံးသတ်ဖို့ ကျွန်မတောင်းဆိုပါတယ်။ နောက်ပြီး ဒီစွပ်စွဲချက်အစီရင်ခံစာ တွေကို လွတ်လပ်စွာစုံစမ်းစစ်ဆေးနိုင်ရေး ချက်ချင်းခွင့်ပြုပေးဖို့တောင်းဆိုပါတယ်” လို့ အထူးကိုယ်စားလှယ် Ms. Patten က ပြောပါတယ်။

မြန်မာစစ်တပ်ဟာ ဖေဖော်ဝါရီ ၁ ရက် အာဏာသိမ်းချိန်ကစလို့ ပြင်းထန်တဲ့လူ့အခွင့်အရေး ချိုးဖောက်မှုတွေရှိခဲ့ပြီး ညဘက်စီးနင်းတိုက်ခိုက်ခြင်းတွေ၊ မတရားသဖြင့်ဖမ်းဆီးခြင်းတွေ၊ မြို့နယ်တွေနဲ့ ရပ်ကွက်တွေကို တပ်ချထားခြင်းတွေ၊ ထိန်းသိမ်းခံရစဉ် ညှင်းပန်းနှိပ်စက်ခြင်းနဲ့ သေဆုံးရခြင်းတွေ ရှိတယ်လို့ ကုလသမဂ္ဂရဲ့ထုတ်ပြန်ချက်မှာ ဖော်ပြပါတယ်။

ဒါ့အပြင် အရပ်သားတွေ စုဝေးရာ ဒါမှမဟုတ် တိမ်းရှောင်ရာ နေရာတွေကို တိုက်ခိုက်ခြင်းတွေ၊ ထိန်းသိမ်းထားတဲ့နေရာတွေမှာ လိင်ပိုင်းဆိုင်ရာအကြမ်းဖက်တဲ့အစီရင်ခံစာတွေ၊ တစ်ဦးချင်း အလိုက် လိင်ပိုင်းဆိုင်ရာ ကိုယ်ထိလက်ရောက်ကျူးလွန်တာ၊ ညှင်းပန်းနှိပ်စက်တာ၊ ရုပ်ပိုင်းဆိုင် ရာနဲ့ နှုတ်နဲ့ စော်ကားတာ၊ ခြိမ်းခြောက်တာတွေဟာ နေ့စဉ်ဘ၀ရဲ့ စိုးရိမ်စရာအကြောင်းအရာ ဖြစ်လာတယ်လို့ ကုလအထူးကိုယ်စားလှယ်က ဆိုပါတယ်။

ဒီလိင်ပိုင်းဆိုင်ရာအကြမ်းဖက်မှု စွပ်စွဲချက်အစီရင်ခံစာတွေဟာ ကျူးလွန်သူ၊ အမိန့်ပေးသူနဲ့ သက်ညှာခွင့်ပေးသူတွေအတွက် အပြည်ပြည်ဆိုင်ရာရာဇဝတ်မှုဥပဒေကို ချိုးဖောက်ကျူးလွန်ဖို့ သဘောသက်ရောက်နိုင်တယ်လို့ ကုလသမဂ္ဂက ထုတ်ပြန်သတိပေးပါတယ်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

နိုင်ငံရေးပါတီများအနေဖြင့် စစ်ကောင်စီပြုလုပ်မည့်ရွေးကောက်ပွဲကို ပါဝင်ခြင်းမပြုရန် STA ၏ တောင်းဆိုချက်မှာ လူထုအမြင် သဘောထားနှင့် ကိုက်ညီမှုရှိကြောင်း ပြည်တွင်းရှိ နိုင်ငံ ရေးလေ့လာစောင့်ကြည့်သူတစ်ဦးက သုံးသပ်သည်။

သတင်း

ကုလသမဂ္ဂစီးပွားရေးနှင့် လူမှုရေးကောင်စီ၊ ဖွံ့ဖြိုးတိုးတက်ရေးမူဝါဒကော်မတီ၏ ၂၀၁၈ မတ်လအစီရင်ခံစာအရ ၁၉၈၇ ခုနှစ်မှစ၍ ဖွံ့ဖြိုးမှုအနည်းဆုံးနိုင်ငံစာရင်းတွင် ပါဝင်ခဲ့သော မြန်မာနိုင်ငံသည် ယင်းအဆင့်မှ လွတ်မြောက်ရန် စံသတ်မှတ်ချက်သုံးခုစလုံးနှင့် ပထမဆုံးအကြိမ် ပြည့်မီခဲ့သည်။

နိုင်ငံတကာ

ဒုတိယ ဗိုလ်မှူးကြီး ပေါလ်ဟင်နရီ ဒါမီဘာဟာ ပြီးခဲ့တဲ့ သီတင်းပတ်ကုန်မှာ လက်အောက်ငယ်သား စစ်မှုထမ်းတွေရဲ့ ပုန်ကန်မှုကို ကြုံတွေ့ခဲ့ရတာပါ။ ဘာကီနာဖာဆို စစ်တပ်ရဲ့ အရာရှိ တချို့က ဒါမီဘာကို ဖယ်ရှားပြီး ဗိုလ်ကြီး အီဘရာဟင်မ် ထယာအိုရေးကို စစ်အစိုးရရဲ့ ယာယီ ခေါင်းဆောင်သစ်အဖြစ် တင်မြှောက်ကြောင်း ကြေညာခဲ့ပါတယ်။

သတင်း

တော်လှန်ရေးပြည်သူအပေါင်း၏ တော်လှန်ရေးအပေါ် ယုံကြည်စိတ်၊ရဲဝံ့စိတ်နှင့် သစ္စာတရားကြောင့် စတင်ရောင်းချသည့် ပထမနေ့(​အောက်တိုဘာ ၁ရက်) ၁၀ နာရီအတွင်း ဒေါ်လာ ၈ ဒသမ ၈ သန်းဖိုးရောင်းချရခြင်းဖြစ်သည်ဟု အဆိုပါအဖွဲ့ကယ​နေ့ထုတ်ပြန်သည်။