Connect with us

Hi, what are you looking for?

LuduNwayOo

News

ဟာခါးနှင့် ဖလမ်းတိုက်ပွဲ စစ်ကောင်စီတပ်ဖွဲ့ဝင် ၄၀ခန့်သေဆုံးဟု CDF ထုတ်ပြန်

အလားတူ ချင်းပြည်နယ် ဖလမ်းမြို့နယ်အတွင်း၌ ဇွန်လ ၂၉ရက်က အကြမ်းဖက်စစ်ကောင်စီတပ်နှင့် ၂နာရီခန့် ပစ်ခတ်မှုဖြစ်ပွားရာ စစ်ကောင်စီလက်နက်ကိုင် ၂၀ ဦးသေဆုံးကာ ထိခိုက်ဒဏ်ရာရသူများပြားကြောင်း CDF(ဖလမ်း)က သတင်းထုတ်ပြန်သည်။

ချင်းပြည်နယ် ဟားခါးမြို့နယ်နှင့် ဖလမ်းမြို့နယ်တို့၌ ဖြစ်ပွားသည့် တိုက်ပွဲများတွင် စစ်ကောင်စီတပ်ဖွဲ့ဝင် ၄၀ ခန့်သေဆုံးကြောင်း ချင်းပြည်ကာကွယ်ရေးတပ်ဖွဲ့(CDF) က သတင်းထုတ်ပြန်သည်။

ဟားခါးမြို့နယ် ဘွန်ဇွမ်း နယ်မြေရဲစခန်းကို CDF(ဟားခါး)တပ်ဖွဲ့ဝင်များက ဇွန်လ ၂၉ရက် မနက်က သွား ရောက်တိုက်ခိုက်ခဲ့ကြောင်း၊ ၅နာရီခန့်ကြာမြင့်သည့် တိုက်ပွဲတွင် စစ်ကောင်စီလက်နက်ကိုင်များ ဖြစ်သော ရဲတပ်သားနှင့် စစ်သား ၂၀ ခန့် သေဆုံးခဲ့ပြီး CDF ဘက်မှ ဒဏ်ရာရသူ တစ်ဦးသာရှိကြောင်း ထုတ်ပြန်ချက်၌ ပါရှိသည်။

“ပစ်ရတဲ့အကြောင်းအရင်းက တရားမဝင်သစ်ထုတ် လုပ်မှုတွေ လုပ်တာရယ် ပြီးတော့ စစ်အာဏာရှင် စနစ်ကို အားပေးပြီး ထောက်ခံပြီး ပြည်သူကို ခြိမ်းခြောက်တဲ့ဟာကို ကျွန်တော်တို့ တုံ့ပြန်တဲ့အနေနဲ့သွားပစ်တာပါ” ဟု CDF ပြောရေးဆိုခွင့်ရှိသူ တစ်ဦးက ပြောသည်။

တိုက်ပွဲဖြစ်ပွားပြီး ညနေပိုင်းတွင် စစ်ကောင်စီဘက်က ရဟတ်ယာဉ်တစ်စီးဖြင့်လာရောက်၍ အလောင်းများနှင့် ဒဏ်ရာရသူများကို သယ်သွားကြောင်း၊ အဆိုပါဒေသ၌ စစ်အင်အားလည်း ဖြည့်တင်းထားကြောင်း ၎င်းက ဆိုသည်။

အလားတူ ချင်းပြည်နယ် ဖလမ်းမြို့နယ်အတွင်း၌ ဇွန်လ ၂၉ရက်က အကြမ်းဖက်စစ်ကောင်စီတပ်နှင့် ၂နာရီခန့် ပစ်ခတ်မှုဖြစ်ပွားရာ စစ်ကောင်စီလက်နက်ကိုင် ၂၀ ဦးသေဆုံးကာ ထိခိုက်ဒဏ်ရာရသူများပြားကြောင်း CDF(ဖလမ်း)က သတင်းထုတ်ပြန်သည်။

CDF(ဖလမ်း)တပ်ဖွဲ့ဝင် ၄ဦးကျဆုံးခဲ့ပြီး ၃ဦး ဒဏ်ရာရရှိခဲ့ကြောင်းလည်း ထုတ်ပြန်ချက်၌ ပါရှိသည်။

တိုက်ပွဲဖြစ်ပွားရခြင်းမှာ CDF(ဖလမ်း) တပ်ဖွဲ့များရှိရာသို့ စစ်ကောင်စီက ထိုးစစ်ဆင်ရန် အင်အားအများအပြားဖြင့် ကျုးကျော်ဝင်ရောက်လာ၍ ခုခံကာကွယ် ပစ်ခတ်ခဲ့ကြောင်း၊ လတ်တလောတွင် စစ်ကောင်စီတပ်များ ပြန်လည်ဆုတ်ခွာသွားသော်လည်း တိုက်ပွဲဆက်လက်ပြင်းထန်လာနိုင်ကြောင်း CDF(ဖလမ်း)က သတင်းထုတ်ပြန်သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စက်တင်ဘာ ၂၅ ရက်နံနက်ပိုင်းက မြိုင်မြို့နယ် ကျောက်ခွက်ကျေးရွာသို့ စစ်ကြောင်းထိုးလာသော အင်အား ၆၀ခန့်ပါ စစ်ကောင်စီတပ်နှင့်ပျူမျုးအား မြိုင်(ပကဖ)အဖွဲ့က မိုင်းပွိုင့်အကြီး ၂ပွိုင့်ဖြင့် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် သုံးဦး သေဆုံးခဲ့သေးသည်။

သတင်း

"အဆိုပါ တိုက်ခိုက်မှုများတွင် စစ်ကောင်စီဘက်မှ (၅) ဦးထက်မနည်းထိခိုက်သေဆုံးခဲ့သည်"ဟု ပြည်သူ့ကာကွယ်ရေးတပ်မတော်၊ မြိတ်ခရိုင်၊တပ်ရင်း(၁)က ဖော်ပြသည်။

သတင်း

ဂျပန်ရောက်မြန်မာနိုင်ငံသားများက ယနေ့ ညနေပိုင်းတွင် ကိုဘေးမြို့ Sannomiya ဘူတာတွင် စုဝေး၍ မြန်မာစစ်အစိုးရ၏ ကိုယ်စားလှယ်အား ဂျပန်နိုင်ငံက ဖိတ်ကြားမှုကို ဆန့်ကျင်ကြောင်း ဂျပန်၊ အင်္ဂလိပ် နှစ်ဘာသာဖြင့် ရေးသားသည့် စာတန်းကို ကိုင်ဆောင်၍ ဆန္ဒထုတ်ဖော်ခဲ့သည်။

နိုင်ငံတကာ

ကလေးတွေ ရှိနေတဲ့ ကျောင်းထဲကို ရက်ရက်စက်စက် ဝင်ပစ်တဲ့ အကြောင်းရင်းကို မသိရသေးဘဲ လတ်တလော ရုရှားမှာ လူပြောများနေတဲ့ စစ်မှုထမ်း ဆင့်ခေါ်မှု ပြဿနာနဲ့ ပတ်သက်သလား ဆိုတာကိုလည်း အတည်မပြုနိုင်ပါဘူး။