စစ်ကောင်စီကို ဆန့်ကျင်တဲ့အနေနဲ့ လျှပ်စစ်မီတာမဆောင်ကြတဲ့အတွက် လစဉ်မီတာခပေးဆောင်ကြဖို့ ရန်ကုန်က မြို့နယ်အချို့မှာ လိုက်လံအသိပေးတာတွေရှိလာပါတယ်။
အဲဒီမြို့နယ်တွေထဲမှာ ကမာရွတ် ၊တာမွေ ၊ မင်္ဂလာတောင်ညွှန့် နဲ့ ဗိုလ်တထောင်မြို့နယ်ပါတယ်လို့ ဒေသခံတွေကတဆင့်သိရပါတယ်။
လစဉ်ကျသင့်တဲ့ မီတာခကို ပေးဆောင်ဖို့ မီတာခတောင်းခံလွှာ လာရောက်ပေးတာရှိပေမယ့် အာဏာသိမ်းတာကိုဆန့်ကျင်တဲ့အနေနဲ့ မီတာခကို မဆောင်တဲ့ လှုပ်ရှားမှုကိုပြည်သူတွေလုပ်ဆောင်နေတာလည်းဖြစ်ပါတယ်။
စစ်ကောင်စီဘက်ကတော့ အာဏာသိမ်းတဲ့ ဖေဖော်ဝါရီလ ကစတင်ပြီး မီတာခကို လစဉ်ဆိုသလိုကောက်ခံနေပါတယ်။
Public Service Announcement
ဒီလိုကောက်ခံရာမှာ ဖေဖော်ဝါရီလနဲ့ မတ်လ တွေမှာတော့ ကင်းလွတ်ခွင့် ကျပ်၁၁၅၀၀ ပေးခဲ့ပေမယ့် ဧပြီ၊ မေနဲ့ ဇွန်လတွေမှာတော့ ကင်းလွတ်ခွင့်မပါလာတော့တာကို တွေ့ရပါတယ်။
ဒေါ်အောင်ဆန်းစုကြည်ဦးဆောင်တဲ့အစိုးရ လက်ထက်မှာ ကိုဗစ်ကာလအတွင်း ပြည်သူတွေ အဆင်ပြေစေဖို့ လစဉ်မီတာတောင်းခံလွှာမှာ ကျပ် ၁၁၅၀၀ ကို ကင်းလွတ်ခွင့်ပြုခဲ့တာပဲဖြစ်ပါတယ်။
