Connect with us

Hi, what are you looking for?

LuduNwayOo

News

KNUတပ်မဟာ(၅) နယ်မြေတွင် ဇွန်လကတိုက်ပွဲရာချီဖြစ်ပွားရာ စစ်ကောင်စီတပ်ဖွဲ့ဝင် ၁၅၀ကျော်သေဆုံး

ဇွန်လအတွင်း၌ တိုက်ပွဲကြီးများမဖြစ်သော်လည်း စစ်ကောင်စီတပ်များကို KNU/KNLA တပ်မဟာ(၅) တပ်ဖွဲ့ဝင်များက ပျောက်ကြားစနစ်ဖြင့် ကြားဖြတ်တိုက်ခိုက်မှုများ မိုင်းဆွဲတိုက်ခိုက်မှုများ လုပ်ဆောင်ခဲ့ခြင်းဖြစ် ကြောင်း ဒုဗိုလ်မှူးကြီး စောကလယ်ဒိုက ရှင်းပြသည်။

ကရင်အမျိုးသားအစည်းအရုံး(KNU)တပ်မဟာ(၅) ထိန်းချုပ်နယ်မြေတွင် ဇွန်လအတွင်းက တိုက်ပွဲပေါင်း ရာချီဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၁၅၀ကျော်သေဆုံးခဲ့ဟု တပ်မဟာ(၅) ပြောရေးဆိုခွင့်ရှိသူ ဒုဗိုလ်မှူးကြီးစောကလယ်ဒိုက ပြောကြားသည်။

KNU တပ်မဟာ(၅) က ဇူလိုင်လအတွင်း တိုက်ပွဲဖြစ်စဉ်များကို ယနေ့သတင်းထုတ်ပြန်ခဲ့၍ ယင်းနှင့်ပတ်သက်ပြီး မေးမြန်းစဉ် ဇွန်လအတွင်း စစ်ရေးအခြေအနေကို ပြောပြခဲ့ခြင်းဖြစ်သည်။

ဇွန်လအတွင်း၌ တိုက်ပွဲကြီးများမဖြစ်သော်လည်း စစ်ကောင်စီတပ်များကို KNU/KNLA တပ်မဟာ(၅) တပ်ဖွဲ့ဝင်များက ပျောက်ကြားစနစ်ဖြင့် ကြားဖြတ်တိုက်ခိုက်မှုများ မိုင်းဆွဲတိုက်ခိုက်မှုများ လုပ်ဆောင်ခဲ့ခြင်းဖြစ် ကြောင်း ဒုဗိုလ်မှူးကြီး စောကလယ်ဒိုက ရှင်းပြသည်။

တိုက်ပွဲ ၁၀၀ ကျော်ဖြစ်ပွားရာ စစ်ကောင်စီဘက်က သေဆုံးသူ ၁၅၆ဦး၊ ဒဏ်ရာရသူ ၁၁၇ဦး ရှိကြောင်း ၎င်းကဆိုသည်။ KNLA ဘက်ကလည်း ကျဆုံးသူနှင့် ဒဏ်ရာရသူအချို့ရှိခဲ့ကြောင်း ပြောကြားသည်။

တိုက်ပွဲဖြစ်စဉ်များ၌ စစ်ကောင်စီဘက်က သေဆုံးမှုများပြီး KNLA ဘက်က ကျဆုံးသူ နည်းပါးခြင်းမှာ စစ်ကြောင်းထိုးလာသည့် စစ်ကောင်စီတပ်များကို ပျောက်ကြားစနစ်ဖြင့် ကြားဖြတ်တိုက်ခိုက်သည့် ပုံစံကြောင့်ဟု ဒုဗိုလ်မှူးကြီးစောကလယ်ဒိုက ပြောသည်။

ဇူလိုင်တွင်လည်း တစ်ပွဲများ တစ်ရက်တစ်ကြိမ် သို့မဟုတ် နှစ်ကြိမ် ပုံမှန်ဖြစ်ပွားလျက်ရှိသည်ဟု ၎င်း ကဆိုသည်။

စစ်ကောင်စီအနေဖြင့် တိုက်ပွဲဖြစ်စဉ်များနှင့်ပတ်သက်ပြီး သတင်းထုတ်ပြန်မှုမရှိ၍ ၎င်းတို့ တပ်ဖွဲ့ဝင်များ သေဆုံးသည့် အရေအတွက်နှင့်ပတ်သက်၍ သီးခြားအတည်မပြုနိုင်သေးပေ။

KNU တပ်မဟာ(၅) ဒေသတွင် စစ်တပ်အာဏာသိမ်းပြီးနောက်ပိုင်းတိုက်ပွဲဖြစ်ပွားမှုများ ပိုမိုများပြားခဲ့ပြီး စစ်ကောင်စီဘက်က သေဆုံးဒဏ်ရာရမှုများပြားခဲ့သည်။

You May Also Like

သတင်း

မြန်မာနိုင်ငံတွင် စစ်အာဏာသိမ်းမှု ၂ နှစ်ပြည့်သည့် ယမန်နေ့(ဖေဖော်ဝါရီ ၁ ရက်)တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောကြားခဲ့ခြင်းဖြစ်သည်။

မေးမြန်းခန်း

စစ်တပ်အာဏာသိမ်းမှု ၂နှစ် တာကာလအတွင်း စစ်ရေးနိုင်ငံရေး အခြေအနေများနှင့်ပတ်သက်ပြီး KNU ပြောရေးဆိုခွင့်ရှိသူ ပဒိုစောတောနီးအား People's Spring က ​ဖေ​ဖော်ဝါရီ ၂ ရက်တွင်ဆက်သွယ်မေးမြန်းထားသည်များကို ဖော်ပြလိုက်ပါသည်။

သတင်း

အထက်ပါ တိုက်ခိုက်မှုတွင် သာယာဝတီခရိုင် PDF တပ်ရင်း (၃၈၀၂)၊ တပ်ခွဲ ၄ (မိုးညိုမြို့နယ် ပြည်သူ့ကာကွယ်ရေးတပ်ဖွဲ့)ဝင်များ အထိအခိုက်မရှိ အောင်မြင်စွာဆုတ်ခွာနိုင်ခဲ့ကြောင်း အသိပေးထားသည်။

သတင်း

မိုင်း​ဖြင့် နှစ်ကြိမ်ခိုက်သော်လည်း စစ်ကောင်စီတပ်ဘက်မှ ပြန်လည်ပစ်ခက်ဖြစ်မရှိဘဲ ဒုတိယအကြိမ်တွင် ပျက်ဆီးသွားသော ကားပေါ်မှ အချိန်အတော်အတန်ကြာမှသာ ဆင်းလာခဲ့ပြီး တကောင်း(ပ.က.ဖ)မှ မိုင်းသမားများအား လိုက်လံရှာဖွေနေခဲ့ကြောင်း ယင်းတပ်ဖွဲ့က ပြောသည်။