Connect with us

Hi, what are you looking for?

LuduNwayOo

News

မြန်မာနိုင်ငံကို လတ်တလော သွားလာထားသူတွေကို စင်ကာပူ ဗီဇာပိတ်

အဲဒီ သတ်မှတ်ချက် အသစ်ဟာ ဇူလိုင် ၁၅ ရက် ညသန်းခေါင်မှာ စတင် အသက်ဝင်လာမှာ ဖြစ်ပါတယ်။ မြန်မာနိုင်ငံမှာ Covid-19 ရောဂါ ကူးစက်မှုတွေ အခြေအနေ ဆိုးသထက် ဆိုးလာနေတာကြောင့် ရောဂါ ထိန်းချုပ်ရေး အစီအမံ အနေနဲ့ အခုလို ဗီဇာ ပိတ်ပင်လိုက်တာလို့ စင်ကာပူဖက်က ထုတ်ပြန်ပါတယ်။

ကပ်ရောဂါ ကာကွယ်ရေး အစီအမံ တစ်ရပ် အနေနဲ့ မြန်မာနိုင်ငံကို လတ်တလော သွားရောက်ထားသူတွေကို ပြည်ဝင်ခွင့်ဗီဇာ ပိတ်ပင်ထားမယ်လို့ စင်ကာပူက ကြေညာလိုက်ပါတယ်။

အဲဒီ သတ်မှတ်ချက် အသစ်ဟာ ဇူလိုင် ၁၅ ရက် ညသန်းခေါင်မှာ စတင် အသက်ဝင်လာမှာ ဖြစ်ပါတယ်။ မြန်မာနိုင်ငံမှာ Covid-19 ရောဂါ ကူးစက်မှုတွေ အခြေအနေ ဆိုးသထက် ဆိုးလာနေတာကြောင့် ရောဂါ ထိန်းချုပ်ရေး အစီအမံ အနေနဲ့ အခုလို ဗီဇာ ပိတ်ပင်လိုက်တာလို့ စင်ကာပူဖက်က ထုတ်ပြန်ပါတယ်။

ဗီဇာ ပိတ်ပင်မှု သတ်မှတ်ချက်ဟာ Long-term pass holderတွေရော၊ Short-term visitorတွေ အတွက်ပါ အကျုံးဝင်မှာ ဖြစ်ပါတယ်။ သတ်မှတ်ချက် အသစ်အရ လွန်ခဲ့တဲ့ ၂၁ ရက်အတွင်း မြန်မာနိုင်ငံကို ရောက်ခဲ့ဖူးရင် စင်ကာပူမှာ ခရီးတစ်ထောက်နား (Transit)အတွက်တောင် ဗီဇာ မရတော့ပါဘူး။ ဒါ့အပြင် လွန်ခဲ့တဲ့ ၂၁ ရက်အတွင်း မြန်မာနိုင်ငံမှာ Transitအဖြစ် ခဏလောက် ရှိခဲ့ဖူးသူတွေတောင် စင်ကာပူ ပြည်ဝင်ခွင့် မရဘူးလို့ ဆိုပါတယ်။ အရင်ကတော့ အဲဒီလို Transit ခရီးသည်တွေကို စင်ကာပူက ဗီဇာ ပေးထားပါတယ်။

စင်ကာပူ နိုင်ငံသားတွေ အပါအဝင် ဗီဇာ ကင်းလွတ်ခွင့် ရပေမယ့် မြန်မာနိုင်ငံကို လတ်တလော သွားရောက်ဖူးတဲ့ ခရီးသွား ရာဇဝင် ရှိသူတိုင်းဟာ လေဆိပ်ကို ရောက်တာနဲ့ အထူးကြပ်မတ် စောင့်ကြည့်ပြီး ဆေးစစ်မှုတွေ ခံယူရမယ်လို့ စင်ကာပူ ကျန်းမာရေး ဝန်ကြီးဌာနက ထုတ်ပြန်ပါတယ်။ မြန်မာနိုင်ငံကနေ ရောက်နေပြီး လောလောဆယ် ၁၄ ရက်ကြာ နေအိမ် Quarantine ဝင်နေသူတွေ အနေနဲ့လည်း ၄ ကြိမ် ဆေးစစ်ရတာ အပါအဝင် သတ်မှတ်ချက် အသစ် တချို့ကို လိုက်နာရမယ်လို့ ဆိုပါတယ်။

စစ်တပ် အာဏာသိမ်းမှုအပြီး ကဏ္ဍပေါင်းစုံ ချွတ်ခြုံကျသွားတဲ့ မြန်မာနိုင်ငံမှာ Covid-19 ကူးစက်နှုန်းကလည်း ကြောက်ခမန်းလိလိ မြင့်တက်နေပါတယ်။ ကမ္ဘာ့ကျန်းမာရေး အဖွဲ့ကြီး (WHO)ရဲ့ စာရင်းအရ လွန်ခဲ့တဲ့ ၂၄ နာရီအတွင်း မြန်မာနိုင်ငံမှာ ကူးစက်လူနာအသစ် အနည်းဆုံး ၅၀၀၀ ကျော် တိုးလာခဲ့ပါတယ်။ မြန်မာနိုင်ငံမှာ Covid-19 ကူးစက်ခံရသူ ၂ သိန်းကျော် ရှိနေပြီး ၄ ထောင်ကျော် သေဆုံးတယ်လို့ ကြေညာထားပေမယ့် လက်တွေ့မှာတော့ အဲဒီ ကိန်းဂဏန်းတွေထက် အများကြီး အခြေအနေ ဆိုးရွားနေတယ်လို့ ယုံကြည်ရပါတယ်။

ကမ္ဘာအရပ်ရပ်က ကပ်ရောဂါ ကူးစက်မှု အခြေအနေတွေကို လေ့လာ စောင့်ကြည့်ပြီး နယ်စပ်ရေးရာ မူဝါဒတွေကို လိုအပ်သလို ချိန်ညှိ ပြောင်းလဲသွားမယ်လို့လည်း စင်ကာပူ ကျန်းမာရေး ဝန်ကြီးဌာနက ထုတ်ပြန်ထားပါတယ်။

You May Also Like

သတင်း

ကမ္ဘာတစ်ဝန်း နိုင်ငံ​ပေါင်း ၁၈၀ ကို အကဲဖြတ်ရာမှာ​​နောက်ဆုံးက​​ရေတွက်ရင် အဂတလိုက်စားဆုံးနိုင်ငံတွထဲမှာ အဆင့် ၂၁ မှာ ရပ်တည်​နေတာဖြစ်ပါတယ်။

သတင်း

ရန်ကုန်မှာမနေ့က တရုတ်သံရုံးက ပြုလုပ်တဲ့ တရုတ်နှစ်ကူးပွဲ ကိုတက်ရောက်ခဲ့တဲ့ စစ်ကောင်စီ ခေါင်းဆောင်က တရုတ်နိုင်ငံကိုအသိပေးလိုက်တာလည်းဖြစ်ပါတယ်။

သတင်း

အောင်လအန်ဆန်သည် ပြီးခဲ့တဲ့ နိုဝင်ဘာလအတွင်းက ကျင်းပခဲ့သည့် MMA မစ်ဒယ်ဝိတ်တန်း စိန်ခေါ်ပွဲတွင်လည်း ဂျပန်ဖိုက်တာ အိုကာမီကို အလဲထိုး အနိုင်ရရှိခဲ့သည်။

သတင်း

မနှင်းဝေလှိုင်သည် ဧရာဝတီတိုင်းဒေသကြီး ငပုတောမြို့နယ်၊ ကွင်းဝိုင်းကျေးရွာနေသူဖြစ်ကာ စင်ကာပူနိုင်ငံတွင် လေးနှစ်ခန့်ကြာ အိမ်အကူအဖြစ်လုပ်ကိုင်နေသူဖြစ်ကြောင်းလည်း သိရသည်။