ကယားပြည်နယ်ဘောလခဲမြို့နယ်တွင် အာဏာသိမ်းစစ်ကောင်စီတပ်အား ကရင်အမျိုးသားတိုးတက်ရေးပါတီ (KNPP)၊ကရင်နီအမျိုးသားကာကွယ်ရေးတပ်ဖွဲ့ (KNDF)ပူးပေါင်းအဖွဲ့က မိုင်းဆွဲတိုက်ခိုက်ခဲ့၍ စစ်ကောင်စီတပ်ဖွဲ့ဝင် ထိခိုက်သေဆုံးမှုများရှိနိုင်ကြောင်း KNDFက သတင်းထုတ်ပြန်သည်။
ဘောလခဲမြို့နယ် တားလဲကျေးရွာ ဘက်မှ နန်းဖဲကျေးရွာဘက်သို့ ထိုးစစ်ဆင်လာသည့် စစ်ကောင်စီတပ်မှ အင် အား ၅၀ခန့်ကို ယနေ့ ဇူလိုင် ၁၆ရက် မွန်းလွဲပိုင်းတွင် KNPP/KNDF ပူးပေါင်းအဖွဲ့က တိုက်ခိုက်ခဲ့ရာမှ အပြန် အလှန်ပစ်ခတ်မှု နာရီဝက်ခန့်ဖြစ်ပွားခဲ့သည်ဟု ဆိုသည်။
တိုက်ပွဲအတွင်း အကြမ်းဖက်စစ်ကောင်စီမှ ထိခိုက်ကျ ဆုံးမှုများရှိခဲ့ပြီး အရေအတွက်ကို အတည်ပြု၍ မရသေးကြောင်း KNDFက ထုတ်ပြန်သည်။တိုက်ပွဲဖြစ်ပွား၍ နန်းဖဲကျေးရွာမှ ဒေသခံများ ရှောင် တိမ်းနေရကြောင်း၊ စစ်ကောင်စီတပ်မှ ကရင်နီတပ် (KNPP) ထိန်းချုပ်ရာဒေသများသို့ ထိုးစစ်ဆင်လာသဖြင့် နှစ်ဖက်ထိတွေ့တိုက်ပွဲများမကြာခဏဖြစ်ပွားလျက်ရှိကြောင်း ဖော်ပြခဲ့သည်။
KNDFအနေဖြင့် ပြည်သူများကို အကြမ်းဖက်နေသည့် စစ်ကောင်စီတပ်များကို တိုက်ခိုက်တော်လှန်သွားမည်ဖြစ်ပြီး စစ်ကောင်စီကို ဆန့်ကျင်တော်လှန်နေသည့် မည်သည့်အဖွဲ့အစည်း များနှင့်မဆို ပူးပေါင်းဆောင်ရွက်မည်ဖြစ်ကြောင်း ထုတ်ပြန်ခဲ့သည်။
Public Service Announcement
KNPPနှင့် စစ်ကောင်စီတပ်တို့သည် ဇူလိုင် ၁၂ရက်ကလည်း လွိုင်ကော်မြို့နယ်တွင် တစ်ရက်တည်း တိုက်ပွဲ ၅ကြိမ်ဖြစ်ပွားခဲ့ပြီး စစ်ကောင်စီတပ်ဖွဲ့ဝင်များ ၁၄ဦး သေဆုံးခဲ့ကြောင်း မြေပြင်သတင်းရင်းမြစ်ကို ကိုးကားပြီး KNDFက ထုတ်ပြန်ခဲ့သည်။
ထို့ပြင် ဇူလိုင် ၂ရက်နှင့် ၃ရက်ကလည်း KNPPနှင့် စစ်ကောင်စီတပ်တို့ လွိုင်ကော်မြို့နယ် နှင့် လွိုင်ကော် – ရှားတောလမ်း၌ တိုက်ပွဲဖြစ်ပွားခဲ့သည်။ စစ်ကောင်စီတပ်မှ စစ်ရေးလှုပ်ရှားမှုများ ပြုလုပ်လာ၍ တိုက်ပွဲဖြစ်ပွားခြင်းဖြစ်ကြောင်း KNPPသတင်းနှင့် ပြန်ကြားရေးဌာန KNICက သတင်းဖော်ပြထားသည်။
