Connect with us

Hi, what are you looking for?

LuduNwayOo

News

အပစ်ရပ်သက်တမ်းတိုးရန်ညှိမရ၍ CDFနှင့် စစ်ကောင်စီ တိုက်ပွဲပြန်လည်ဖြစ်ပွား

“လောလောဆယ်အထိတော့ ပထမ တစ်ကြိမ် မနက်ပိုင်း တိုက်ပွဲဖြစ်ပြီး ခဏပြန်နားနေတယ်။ နောက်တစ်ကြိမ် ဘယ်လိုပြန်ဖြစ်လာမလဲလို့ မသိဘူးလို့ ပြောပါတယ်” ဟု CDF တာဝန်ရှိသူက ပြောသည်။

မင်းတပ်မြို့နယ် ချင်းပြည်ကာကွယ်ရေးတပ်ဖွဲ့(CDF) နှင့် အာဏာသိမ်းစစ်တပ်တို့ ယနေ့မနက်ပိုင်းတွင် မင်းတပ်မြို့နယ် ရွှေတွင်းတူးရွာအနီး၌ တိုက်ပွဲပြန်လည်ဖြစ်ပွားခဲ့ကြောင်း CDF တာဝန်ရှိသူတစ်ဦးက ပြောသည်။

စစ်ကောင်စီတပ်များက ထိုးစစ်ဆင် လာ၍ ယနေ့ ဇူလိုင် ၂၁ရက် နံနက် ၆နာရီ ၄၅မှ စတင်တိုက်ပွဲဖြစ်ပွားခဲ့သည်ဟု ၎င်းက ဆိုသည်။

“လောလောဆယ်အထိတော့ ပထမ တစ်ကြိမ် မနက်ပိုင်း တိုက်ပွဲဖြစ်ပြီး ခဏပြန်နားနေတယ်။ နောက်တစ်ကြိမ် ဘယ်လိုပြန်ဖြစ်လာမလဲလို့ မသိဘူးလို့ ပြောပါတယ်” ဟု CDF တာဝန်ရှိသူက ပြောသည်။

မင်းတပ် CDFနှင့် စစ်ကောင်စီတပ်တို့သည် ဇွန်လ ၂၃ရက်မှစ၍ အပစ်ရပ်စဲရေး ဆောင်ရွက်ထားရာ တစ်လခန့်အကြာတွင် တိုက်ပွဲပြန်လည်ဖြစ်ပွားခဲ့ခြင်းဖြစ်သည်။

နှစ်ဖက်အကြား အပစ်အခတ်ရပ်စဲရေး သက်တမ်းတိုးရန် ညှိနှိုင်းခဲ့သော်လည်း အဆင်မပြေ၍ တိုက်ပွဲများ ပြန် လည်ဖြစ်ပွားရခြင်းဖြစ်ကြောင်း CDF တာဝန်ရှိသူက ပြောသည်။

ဧပြီအတွင်းက အမျိုးသားညီညွတ်ရေးအစိုးရ (NUG)ကို ထောက်ခံကြောင်း ဆန္ဒပြ ပြည်သူများအား စစ်ကောင်စီက အကြမ်းဖက်ပစ်ခတ်ရာမှစ၍ မင်းတပ် CDFနှင့် စစ်ကောင်စီအကြား တိုက်ပွဲများ ဖြစ်ပွားခဲ့ ခြင်းဖြစ်သည်။

ဇွန်လ ၈ရက်နေ့အထိ တစ်လခွဲ ကာလအတွင်း တိုက်ပွဲ ၂၀ကျော်ဖြစ်ပွားခဲ့ပြီး နှစ်ဖက်ထိခိုက်သေဆုံးမှုများရှိခဲ့သည်။

အဆိုပါ တိုက်ပွဲကာလအတွင်း စစ်ကောင်စီ၏ စစ်ကား ၆စီးကို မီးရှို့ဖျက်ဆီး နိုင်ခဲ့ကြောင်း၊ စစ်ကောင်စီတပ်ဖွဲ့ဝင် ၂၀၀ ခန့်ကို သုတ်သင်နိုင်ခဲ့ကြောင်း မင်းတပ် CDFက ထုတ်ပြန်ခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်သည် စက်တင်ဘာ၂၅ ရက်မှစတင်ကာ ဝက်လက်မြို့နယ်၊ ရွှေဘို- မန္တ​လေးလမ်းပိုင်းရှိ ရွာသစ်ကြီးကျေးရွာကို အကြမ်းဖက်ပစ်ခတ် တပ်စွဲထားပြီး ဖမ်းဆီးသတ်ဖြတ်မှုများ ပြုလုပ်နေ၍ ဒေသခံအများအပြား ထွက်ပြေးတိမ်းရှောင်နေရသည်။

ဆောင်းပါး

အာဏာသိမ်းစစ်​ကောင်စီက ပြည်တွင်းဘဏ်စနစ်ကို ဖျက်ဆီးခဲ့ပြီး​နောက် ထပ်မံဖျက်ဆီးဖို့အလှည့်ကျလာသူမှာဒစ်ဂျစ်တယ်ငွေပေးချေစနစ်ဖြစ်​တော့သည်။

သတင်း

ဖြစ်စဥ်နှင့်ပတ်သက်၍ နွားထိုးကြီး PDFအား ဆက်သွယ်မေး​မြန်းရန်ကြိုးစားသော်လည်း ဆက်သွယ်၍ မရသေးပေ။

သတင်း

ထိုသို့ တိုက်ခိုက်မှုကြောင့် စစ်ကောင်စီတပ်မှ တစ်ဦးသေဆုံးကြောင်း စစ်မြေပြင်သတင်း အတည်ပြုချက်ရရှိသည်ဟု ထုတ်ပြန်ထားပြီး ပူးပေါင်းတပ်ဖွဲ့မှ ထိခိုက်မှုမရှိဟု အသိပေးထားသည်။