Connect with us

Hi, what are you looking for?

LuduNwayOo

News

အကျဥ်းသားတွေရဲ့ နစ်နာဆုံးရှုံးမှုများကို အမြန်ဆုံးကူညီပေးနိုင်ရေး ICRC ကို CRPH တောင်းဆို

နိုင်ငံရေးအကျဥ်းသားတွေရဲ့ နစ်နာဆုံးရှုံးမှုများကို နိုင်ငံတကာကျင့်ဝတ်တွေနဲ့အညီ အမြန်ဆုံးကူညီပေးနိုင်ရေး အပြည်ပြည်ဆိုင်ရာကြက်ခြေနီကော်မတီ(ICRC)ကို CRPH က တိုက်တွန်းထုတ်ပြန်ပါတယ်။

ပြည်ထောင်စုလွှတ်တော်ကိုယ်စားပြုကော်မတီ(CRPH)ဟာ အပြည်ပြည်ဆိုင်ရာကြက်ခြေနီကော်မတီကို နိုင်ငံရေးအကျဥ်းသားများအရေးကို အမြန်ဆုံးအကူအညီပေးဖို့ ဒီနေ့ တိုက်တွန်းထုတ်ပြန်ခဲ့တာဖြစ်ပါတယ်။

ဒီနေ့မနက်ပိုင်းမှာ အင်းစိန်ထောင်အတွင်း စစ်အာဏာရှင်ပြုတ်ကျရေး ဆန္ဒပြမှုဖြစ်ပေါ်ခဲ့ပြီး အဆိုပါ ဆန္ဒပြမှုဟာ စစ်ကောင်စီရဲ့ ထောင်အတွင်း ကိုဗစ်-၁၉ ကူးစက်မှု၊ ကျန်းမာရေးကုသမှုမရရှိခြင်း အခြေအနေနဲ့ သက်ဆိုင်နေပါတယ်။

CRPH ရဲ့ ဒီနေ့ ထုတ်ပြန်ချက်မှာ ကိုဗစ်တတိယလှိုင်းကို ကောင်းမွန်စွာ ထိန်းချုပ်နိုင်ခြင်းမရှိတာကြောင့် အကျဥ်းထောင်များအတွင်းမှာ ကူးစက်များစွာ ဖြစ်ပေါ်နေပြီး လိုအပ်တဲ့ ကာကွယ်ကုသရေး များကို လုံလောက်စွာ ပေးအပ်နိုင်ခြင်းမရှိတာကို တွေ့မြင်ကြားသိနေရတယ်လို့ ဖော်ပြပါတယ်။ကိုဗစ်ရောဂါကူးစက်မှုကြောင့် အကျဥ်းသားသေဆုံးမှုများနဲ့ ကျန်းမာရေးချို့တဲ့သောအကျဥ်းသားများ ရောဂါပြင်းထန်ခံစားမှုများကို နေ့စဥ်ကြားသိနေရတယ်လို့ CRPH က ထုတ်ပြန်ပါတယ်။

ဒါ့အပြင် အကျဥ်းကျခံနေရသူများရဲ့ သက်ဆိုင်ရာမိသားစုများကို ထောင်ဝင်စာပေးခွင့် မပြုခြင်း၊ မိသားစုနဲ့ အဆက်အသွယ်မရရှိခြင်းနဲ့ တရားဥပဒေနဲ့အညီ ခုခံချေပခွင့် မရရှိခြင်း စတဲ့ ရပိုင်ခွင့်တွေကို ဆုံးရှုံးနစ်နာနေတယ်လို့ CRPH က ဆိုပါတယ်။

စစ်တပ်ဟာ ဖေဖော်ဝါရီ ၁ ရက်မှာ ရွေးကောက်ခံ အရပ်သားအစိုးရထံကနေ နိုင်ငံတော် အာဏာကို မတရားသဖြင့် သိမ်းယူခဲ့ပြီး နိုင်ငံရေးအကျဥ်းသား ၅၀၀၀ ကျော်ကို ဖမ်းဆီးခဲ့တာဖြစ်ပါတယ်။

You May Also Like

သတင်း

နွေဦးတော်လှန်ရေးနှင့်ဆက်စပ်၍ သေဒဏ်ချမှတ်ခံထားရပြီး အကျဉ်းထောင်များတွင် ထိန်းသိမ်းခံနေရသူ စုစုပေါင်း (၁၀၀) ဦးရှိပြီဟု AAPP က ထုတ်ပြန်သည်။

သတင်း

၂၀၂၃ တွင် စစ်ကောင်စီက ကျင်းပမည်ဆိုသော ရွေးကောက်ပွဲနှင့်ပတ်သက်၍ အထက်ပါ တော်လှန်ရေးအင်အားစုအားလုံးက ပြတ်သားစွာ ဆန့်ကျင်ကြောင်း ကြေညာသည်။

သတင်း

မြန်မာနိုင်ငံ၌ တိုးပွားဖြစ်ပေါ်နေသည့် အာဏာသိမ်းစစ်တပ်၏ လူမဆန်သော အကြမ်းဖက်မှုများ အမြန်ဆုံးရပ်တန့်စေရန် စစ်လက်နက်များတင်ပို့မှုအပေါ် အရေးယူဒဏ်ခတ် ပိတ်ဆို့မှုများ မဖြစ်မနေဆောင်ရွက်ပေးရန်လည်း ကုလသမဂ္ဂအဖွဲ့ဝင်နိုင်ငံများကို တိုက်တွန်းသည်။

သတင်း

ယနေ့ကျရောက်သော အပြည်ပြည်ဆိုင်ရာလူ့အခွင့်အရေးနေ့တွင် သဘောထားကြေညာချက်ထုတ်ပြန်ခဲ့ရာ လူမဆန်သော စစ်တပ်၏ သတ်ဖြတ်မှုများအား ရပ်တန့်သွားရန်နှင့် မြန်မာပြည်သူများ၏ အသက်များကို ကယ်တင်ပေးရန် ယင်းသို့ တိုက်တွန်းလိုက်ခြင်းဖြစ်သည်။