ယနေ့ ဇူလိုင်လ ၂၄ ရက်နေ့မှာ မုံရွာပင်မသပိတ်က ဦးဆောင်တဲ့ LGBT စစ်ကြောင်းဟာ ဗိုလ်ချုပ်လမ်းအတိုင်း ချီတက်ကာ အင်းစိန်ထောင်တွင်းမှာရှိတဲ့ မတရားဖမ်းဆီးခံနိုင်ငံရေးအကျဉ်းသားများနဲ့ အတူရပ်တည်ကြောင်း ထုတ်ဖော်ပြသခဲ့ပါတယ်။
“သံတိုင်ရှိခြင်း၊မရှိခြင်းပဲကွာပါတယ် ကျနော်တို့အားလုံးဟာ အကျဉ်းကျနေကြတာပါပဲ။ ထောင်ထဲမှာ ရှူရတဲ့လေနဲ့ အပြင်မှာရှူရတဲ့လေဟာ ကွာခြင်ကွာလိမ့်မယ်။ မွန်းကြပ်တာခြင်းကတော့အတူတူပါပဲ။ ဒီအတွက်ကြောင့် ကျနော်တို့တွေဟာ ဒီမွန်းကြပ်မှုတွေ၊ အကျဉ်းကျနေမှုတွေကနေ လွတ်မြောက်ဖို့ စစ်အာဏာရှင်ကို ဆက်လက်ချေမှုန်းသွားကြပါမယ်။ ဒီနေရာမှာလည်း ကျနော်တို့ LGBT တွေအနေနဲ့လည်း ရှေ့တန်းကနေ မားမားမတ်မတ်ရပ်တည်နေတယ်ဆိုတာကို မိဘပြည်သူများကို အသိပေးအပ်ပါတယ်” လို့ မုံရွာလူထုသပိတ်တိုက်ပွဲဦးဆောင်ကော်မတီက ထုတ်ပြန်ပါတယ်။
