Connect with us

Hi, what are you looking for?

LuduNwayOo

သတင်း

မန္တလေး LGBT Union ဥက္ကဋ္ဌအပါအဝင် လူငယ် သမဂ္ဂဥက္ကဋ္ဌနှင့် အဖွဲ့ဝင်လေးဦး အဆက်အသွယ်ပြတ်နေ၊ ဖမ်းဆီးခံရပြီဟု ယူဆ

LGBT Union Mandalay နှင့် လူငယ်သမဂ္ဂဗဟိုတို့ပူးပေါင်းပြီး ရန်ကုန်မြို့တစ်နေရာတွင် စစ်တင်ဘာ ၂၅ ရက်က ပြုလုပ်ခဲ့သော ဖဲကြိုးနက်ကမ်ပိန်းမှာ ၎င်းတို့နှစ်ဖွဲ့ပူးပေါင်းလုပ်ဆောင်ခဲ့သည့် နောက်ဆုံးလှုပ်ရှားမှု ဖြစ်သည်။

(LGBT Union Mandalay နှင့် လူငယ်သမဂ္ဂဗဟိုတို့ စက်တင်ဘာ ၂၅ ရက်က ရန်ကုန်မြို့တွင် ပြုလုပ်ခဲ့သည့် ဖဲကြိုးနက်ကမ်ပိန်းအား တွေ့ရစဥ်)
(LGBT Union Mandalay နှင့် လူငယ်သမဂ္ဂဗဟိုတို့ စက်တင်ဘာ ၂၅ ရက်က ရန်ကုန်မြို့တွင် ပြုလုပ်ခဲ့သည့် ဖဲကြိုးနက်ကမ်ပိန်းအား တွေ့ရစဥ်)

LGBT Union Mandalay ဥက္ကဋ္ဌအပါအဝင် လူငယ်သမဂ္ဂဥက္ကဋ္ဌနှင့် အဖွဲ့ဝင်လေးဦး ယနေ့(စက်တင် ဘာ ၂၇)ညပိုင်းမှစပြီး သက်ဆိုင်ရာအဖွဲ့အစည်းများနှင့် အဆက်အသွယ်ပြတ်တောက်ခဲ့ကြောင်း အရေးပေါ် ထုတ်ပြန်လိုက်သည်။

အဆက်အသွယ်ပြတ်တောက်နေသူ ငါးဦးမှာ LGBT Union Mandalay ၏ ဥက္ကဋ္ဌဖြစ်သူ ဂျက်စတင်မင်းဟိန်း(ခ)ဟိန်းမင်းထက်၊ လူငယ်သမဂ္ဂဗဟိုဥက္ကဋ္ဌ၊ ဒုဥက္ကဋ္ဌ (၁)၊ ဒုဥက္ကဋ္ဌ (၂)နှင့် တွဲဖက်အတွင်းရေးမှူး စသူတို့ဖြစ်ကြောင်း ယင်းအဖွဲ့အစည်းများ၏ ထုတ်ပြန်ချက်တွင် ဖော်ပြသည်။

“၂ ဖွဲ့ပေါင်း ၅ ယောက်ပါ၊ ဂျက်စတင်အပါအဝင်။ အား လုံး(အဖမ်းခံရတယ်)ယူဆပါတယ်။ သေချာသလောက်ဖြစ်နေပါပြီ”ဟု LGBT Union Mandalay ယာယီအုပ်ချုပ်ရေးကော်မတီဝင်တစ်ဦးက ပြောသည်။

LGBT Union Mandalay ၏ဥက္ကဋ္ဌ ဂျက်စတင်မင်းဟိန်းသည် လူငယ်သမဂ္ဂဗဟိုနှင့်အတူ ရန်ကုန် မြို့တွင် စစ်အာဏာရှင်ဆန့်ကျင်ရေးမြေပြင်သပိတ်များ ပူးပေါင်းလုပ်ဆောင်နေစဥ် ယခုကဲ့သို့ အဆက် အသွယ်ပြတ်တောက်ခဲ့ခြင်းဖြစ်ကြောင်း အထက်ပါယာယီအုပ်ချုပ်ရေးကော်မတီဝင်က ရှင်းပြသည်။

Public Service Announcement

Public Service Announcement

“လူထုလှုပ်ရှားမှုတွေဟာ နိုင်ငံရေးရဲ့ အသက်တမျှအရေး ကြီးပါတယ်။ ဒါကြောင့်လည်း ဖမ်းခံရနိုင်တယ်။ ပစ်သတ်ခံရနိုင်တဲ့ကြားထဲက စစ်အာဏာ ရှင်ကို ခြောက်ပေမဲ့ မကြောက်ဘူးဆိုတဲ့အတိုင်း လုပ်နေကြတာပါ။ ပြည်သူတွေအ‌နေနဲ့ လမ်းမပေါ်က သပိတ်တွေကို အားပေးပါ။တစ်ယောက်ဖမ်းခံရရင် ၁၀ ယောက်ထပ်ထွက်မယ်။ တော်လှန် ရေး မပြီးအချင်း LGBT တွေဟာ ပြည်သူနဲ့အတူ တိုက်ပွဲဝင်နေမှာ”ဟု LGBT Union Mandalay က သတင်းစကားပါးသည်။

LGBT Union Mandalay နှင့် လူငယ်သမဂ္ဂဗဟိုတို့ပူးပေါင်းပြီး ရန်ကုန်မြို့တစ်နေရာတွင် စစ်တင်ဘာ ၂၅ ရက်က ပြုလုပ်ခဲ့သော ဖဲကြိုးနက်ကမ်ပိန်းမှာ ၎င်းတို့နှစ်ဖွဲ့ပူးပေါင်းလုပ်ဆောင်ခဲ့သည့် နောက်ဆုံးလှုပ်ရှားမှု ဖြစ်သည်။

ဆက်စပ်သတင်းများ

သတင်း

စစ်ကောင်စီသည် အသက်မပြည့်သေးသည့် ကလေးလူငယ်များကို နိုင်ငံရေးပုဒ်မများဖြင့် ဖမ်းဆီးပြီးနောက် လူငယ်ထိန်းသိမ်းရေးသင်တန်းကျောင်း အမည်ခံကလေးလူငယ်အကျဉ်းထောင်များကို ပို့ဆောင်၍ မတရားဖမ်းဆီးထိန်းသိမ်းထားသည်။

သတင်း

မေလ ၁၉ ရက်က မုံရွာမြို့၊ ချမ်းမြသာစည်ရပ်ကွက်၊ နေဇာလမ်းနေ အရပ်သားအသွင်ယူထားပြီး လွင်အမည်ဖြင့် ငါးပိထောင်းဆိုင်ဖွင့်ထားသည့် ရဲအရာခံဝင်းနိုင်အား မုံရွာမြို့နယ် ပြည်သူ့လုံခြုံရေးအဖွဲ့က သွားရောက်ဖမ်းဆီးခဲ့သည်။

သတင်း

စစ်မှုထမ်းဖို့လူသစ်စုရာမှာအမျိုးသမီးတွေကိုဦးစားပေးခေါ်ယူမှာမဟုတ်ဘဲ အသက် ၁၈ နှစ်ကနေ ၃၅နှစ်ကြား လူငယ်အမျိုးသားတွေကို ခေါ်ယူမှာပါ။

သတင်း

အဆိုပါစစ်ကြောင်းမှာ ဆိပ်ဖြူမြို့နယ်၊ အမှတ်(၉)လေကြောင်းရန်ကာကွယ်ရေးစစ်ဆင်ရေးကွပ်ကဲမှုဌာနချုပ် (လစခ ၉)နှင့် ကပစ(၂၁)၊ (၂၂)တပ်များမှ ထွက်လာသည့် စစ်ကြောင်းဖြစ်ကြောင်း ဒေသတွင်းတော်လှန်ရေးအင်အားစုများထံမှ သိရသည်။