Connect with us

Hi, what are you looking for?

LuduNwayOo

သတင်း

မန္တလေး LGBT Union ဥက္ကဋ္ဌအပါအဝင် လူငယ်သမဂ္ဂဥက္ကဋ္ဌနှင့် အဖွဲ့ဝင်လေးဦးအဆက်အသွယ်ပြတ်နေ

“၂ ဖွဲ့ပေါင်း ၅ ယောက်ပါ၊ ဂျက်စတင်အပါအဝင်။ အား လုံး(အဖမ်းခံရတယ်)ယူဆပါတယ်။ သေချာသလောက်ဖြစ်နေပါပြီ”ဟု LGBT Union Mandalay ယာယီအုပ်ချုပ်ရေးကော်မတီဝင်တစ်ဦးက ပြောသည်။

(ဖဲကြိုးနက် ကမ်ပိန်းပြုလုပ်စဥ်။ ဓါတ်ပုံ-CJ)
(ဖဲကြိုးနက် ကမ်ပိန်းပြုလုပ်စဥ်။ ဓါတ်ပုံ-CJ)

▪︎ဖမ်းဆီးခံရပြီဟု ယူဆ​ကြောင်းထုတ်ပြန်

LGBT Union Mandalay ဥက္ကဋ္ဌအပါအဝင် လူငယ်သမဂ္ဂဥက္ကဋ္ဌနှင့် အဖွဲ့ဝင်လေးဦး ယနေ့(စက်တင် ဘာ ၂၇)ညပိုင်းမှစပြီး သက်ဆိုင်ရာအဖွဲ့အစည်းများနှင့် အဆက်အသွယ်ပြတ်တောက်ခဲ့ကြောင်း အရေးပေါ်ထုတ်ပြန်လိုက်သည်။

အဆက်အသွယ်ပြတ်တောက်နေသူငါးဦးမှာ LGBT Union Mandalay ၏ ဥက္ကဋ္ဌဖြစ်သူ ဂျက်စတင်မင်းဟိန်း(ခ)ဟိန်းမင်းထက်၊ လူငယ်သမဂ္ဂဗဟိုဥက္ကဋ္ဌ၊ ဒုဥက္ကဋ္ဌ (၁)၊ ဒုဥက္ကဋ္ဌ (၂)နှင့် တွဲဖက်အတွင်းရေးမှူး စသူတို့ဖြစ်ကြောင်း ယင်းအဖွဲ့အစည်းများ၏ ထုတ်ပြန်ချက်တွင် ဖော်ပြသည်။

“၂ ဖွဲ့ပေါင်း ၅ ယောက်ပါ၊ ဂျက်စတင်အပါအဝင်။ အား လုံး(အဖမ်းခံရတယ်)ယူဆပါတယ်။ သေချာသလောက်ဖြစ်နေပါပြီ”ဟု LGBT Union Mandalay ယာယီအုပ်ချုပ်ရေးကော်မတီဝင်တစ်ဦးက ပြောသည်။

LGBT Union Mandalay ၏ဥက္ကဋ္ဌ ဂျက်စတင်မင်းဟိန်းသည် လူငယ်သမဂ္ဂဗဟိုနှင့်အတူ ရန်ကုန်မြို့တွင် စစ်အာဏာရှင်ဆန့်ကျင်ရေးမြေပြင်သပိတ်များ ပူးပေါင်းလုပ်ဆောင်နေစဥ် ယခုကဲ့သို့ အဆက်အသွယ်ပြတ်တောက်ခဲ့ခြင်းဖြစ်ကြောင်း အထက်ပါယာယီအုပ်ချုပ်ရေးကော်မတီဝင်က ရှင်းပြသည်။

Public Service Announcement

Public Service Announcement

“လူထုလှုပ်ရှားမှုတွေဟာ နိုင်ငံရေးရဲ့ အသက်တမျှအရေး ကြီးပါတယ်။ ဒါကြောင့်လည်း ဖမ်းခံရနိုင်တယ်။ ပစ်သတ်ခံရနိုင်တဲ့ကြားထဲက စစ်အာဏာရှင်ကို ခြောက်ပေမဲ့ မကြောက်ဘူးဆိုတဲ့အတိုင်း လုပ်နေကြတာပါ။ ပြည်သူတွေအ‌နေနဲ့ လမ်းမပေါ်က သပိတ်တွေကို အားပေးပါ။တစ်ယောက်ဖမ်းခံရရင် ၁၀ ယောက်ထပ်ထွက်မယ်။ တော်လှန်ရေး မပြီးအချင်း LGBT တွေဟာ ပြည်သူနဲ့အတူ တိုက်ပွဲဝင်နေမှာ”ဟု LGBT Union Mandalay က သတင်းစကားပါးသည်။

LGBT Union Mandalay နှင့် လူငယ်သမဂ္ဂဗဟိုတို့ပူးပေါင်းပြီး ရန်ကုန်မြို့တစ်နေရာတွင် စစ်တင်ဘာ ၂၅ ရက်က ပြုလုပ်ခဲ့သော ဖဲကြိုးနက်ကမ်ပိန်းမှာ ၎င်းတို့နှစ်ဖွဲ့ပူးပေါင်းလုပ်ဆောင်ခဲ့သည့် နောက်ဆုံးလှုပ်ရှားမှု ဖြစ်သည်။

ဆက်စပ်သတင်းများ

သတင်း

ပြည်သူ့ကာကွယ်ရေးတပ်မတော်(မန္တလေး)သည် ဇွန်လ ၂၆ ရက်မှစပြီး ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရေး ဒုတိယလှိုင်းနှင့် ရှမ်းမန်းစစ်ဆင်ရေးများကို ဟန်ချက်ညီညီ ပါဝင်ဖော်ဆောင်နေသည်။

သတင်း

မိုးကုတ်မြို့တွင်လည်း တိုက်ပွဲဆက်လက်ပြင်းထန်နေပြီး မြို့ခံများသည် မန္တလေးသို့သွားရောက်တိမ်းရှောင်ရန် ကြိုးစားနေကြသည်။

သတင်း

စစ်ကောင်စီကမူ ခရီးသည်တင်ယာဥ်အား PDFများက ပစ်ခတ်တိုက်ခိုက်ရာမှ ပြည်သူတစ်ဦးသေဆုံးပြီး အများအပြားဒဏ်ရာရကြောင်း ၎င်းတို့ထောက်ခံသည့် တယ်လီဂရန်ချန်နယ်များတွင် ဝါဒဖြန့်နေသည်။

သတင်း

ကိုထက်ရန်နိုင်အား နေ့လယ် ၁ နာရီကျော်‌မှသာ မန္တလေးဆေးရုံကြီးသို့ လွှဲပေးခဲ့ပြီး ဆေးရုံကြီး၌ ကျဆုံးခဲ့ရကြောင်း ကိုသိုက်ထွန်းဦးက ပြောကြားသည်။