Connect with us

Hi, what are you looking for?

LuduNwayOo

News

မြို့ပတ်ရထားမှာလုံခြုံရေးလိုက်တဲ့ ရဲခြောက်ဦး သေနတ်နဲ့ပစ်ခံရ၊ လေးဦးသေဆုံး

လက်ရှိအခြေအနေမှာ သေဆုံးရုပ်အလောင်းတွေကို စစ်ကောင်စီလက်အောက်ခံ တပ်ဖွဲ့ဝင်တွေလာရောက်သယ်ဆောင်သွားပြီး ဟုမ်းလမ်းဘူတာနဲ့ ကြည့်မြင်တိုင်ဘူတာဝန်းကျင်မှာ ရှာဖွေစစ်ဆေးတာတွေပြုလုပ်နေတယ်လို့ ဒေသခံတွေက ပြောပါတယ်။

ရန်ကုန်မြို့ မြို့ပတ်ရထားပေါ်မှာ လုံခြုံရေးလိုက်ပါတဲ့ ရဲတပ်ဖွဲ့ဝင်ခြောက်ဦးသေနတ်နဲ့ပစ်ခံရပြီး လေးဦးသေဆုံးသွားတယ်လို့ သတင်းရရှိပါတယ်။

ဒီကနေ့(သြဂုတ် ၁၄)ညနေ ၅ နာရီခန့်က အလုံမြို့နယ် ဟုမ်းလမ်းဘူတာကနေ ကြည့်မြင်တိုင်ဘူတာဘက်မောင်းနှင်လာတဲ့ မြို့ရထားနောက်ဆုံးတွဲပေါ်မှာ ပစ်ခတ်မှုဖြစ်ပွားခဲ့တာလို့ မျက်မြင်တွေ့ရှိသူတချို့က ပြောပါတယ်။

မီးရထားတွဲတစ်ခုတည်းလိုက်ပါလာသူတစ်ဦးက စတင်ပစ်ခတ်ခဲ့တာပြီး ရဲခြောက်ဦးမှာ လေးဦးသေဆုံးတဲ့အပြင် နှစ်ဦးအပြင်းအထန်ဒဏ်ရာရတာကြောင့် ကုတင်(၅၀၀)တပ်ဆေးရုံကို ပို့ဆောင်လိုက်တယ်လို့ စုံစမ်းသိရပါတယ်။

“အင်းစိန်းမြို့နယ် ဈေးကုန်းအရှေ့ရပ်ကွက် ရထားရဲတပ်ခွဲ ၁၄ မှ ကိုယ့်အသိမိတ်ဆွေလည်း သေဆုံးသည့်အထဲပါဝင် တစ်ကယ်စိတ်မ​ကောင်းဖြစ်ရပါတယ်”လို့ ပစ်ခတ်မှုမှာသေဆုံးခဲ့တဲ့ရဲတပ်ဖွဲ့ဝင်တွေနဲ့ပတ်သက်လို့ CDM လုပ်ထားတဲ့ အင်းစိန်မီးရထားဝန်ထမ်းတစ်ဦးက လူမှုကွန်ရက်မှာ ရေးသားထားပါတယ်။

လက်ရှိအခြေအနေမှာ သေဆုံးရုပ်အလောင်းတွေကို စစ်ကောင်စီလက်အောက်ခံ တပ်ဖွဲ့ဝင်တွေလာရောက်သယ်ဆောင်သွားပြီး ဟုမ်းလမ်းဘူတာနဲ့ ကြည့်မြင်တိုင်ဘူတာဝန်းကျင်မှာ ရှာဖွေစစ်ဆေးတာတွေပြုလုပ်နေတယ်လို့ ဒေသခံတွေက ပြောပါတယ်။

Public Service Announcement

Public Service Announcement

ဒါ့အပြင် ပစ်သတ်ခံရတဲ့ သေဆုံးရဲလေးဦးရဲ့ လက်နက်တွေလည်းပါသွားတယ်ဆိုပြီး ကားလမ်းပိတ်ဆို့ရှာဖွေတာတွေ ပြုလုပ်နေတာကြောင့် အဲဒီအနီးဝန်းကျင်ကို အသွားအလာသတိပြုကြဖို့ သတိပေးတာတွေလည်း ရှိနေပါတယ်။