ရန်ကုန်မြို့ စမ်းချောင်းမြို့နယ် ဗဟိုလမ်းမပေါ် အာရှတော်ဝင်ဆေးရုံအနီးရှိ စမ်းချောင်း(တောင်)ရပ်ကွက်အုပ်ချုပ်ရေးမှူးရုံး ယနေ့နံနက် ၁၀ နာရီခန့်က ဗုံးပေါက် ကွဲမှုဖြစ်ခဲ့ကြောင်း အဆိုပါရပ်ကွက်ဒေသခံတစ်ဦးက ပြောသည်။
“ မနက်၁၀ နာရီလောက်မှာ ဗဟိုလမ်းပေါ်က ရပ်ကွက်ရုံးနားမှာ ဗုံးပေါက်တာပါ။ တစ်ယောက်မှ ထိခိုက်မှု ရှိတယ်လို့တော့ မကြားပါဘူး။ အခုတော့ ရဲတွေရော စစ်သားတွေရော အများကြီးရောက်နေပါတယ်။ ရပ်ကွက်ရုံးနားကို လမ်းပိတ်ထားပြီး စစ်ဆေးမှုတွေ လုပ်နေတာ တွေ့ရပါတယ်” ဟု ၎င်းက ပြောသည်။
ထို့အပြင် ယနေ့နံနက်စောက ကြည့်မြင်တိုင်မြို့နယ်တွင်လည်း ပေါက်ကွဲမှု ဖြစ်ပွားခဲ့သည်။
” မနက် ၃ နာရီ ၄၀ လောက်က ကြည့်မြင်တိုင်ဘက်က ပေါက်ကွဲသံကြားရတယ်။ စမ်းချောင်းဘက်က ကြားရတယ်။ မနက် ၆ နာရီခွဲလောက်မှာ မိုင်းရှင်းလင်းရေးလုပ်ရမှာမို့လို့ လမ်းသွားလမ်းလာ ကားတွကို ခတ္တပိတ်ထားမှာဖြစ်တယ်ဆိုပြီး မိုက်နဲ့အော်တယ်။ နာရီဝက်လောက်ကြာတယ် “ ဟု စမ်းချောင်းသံတံတားလမ်းတွင် နေထိုင်သည့် အမျိုးသားတစ်ဦးက ပြောပါတယ်။
ညစျေးအနီး အထက်ကြည့်မြင်တိုင်လမ်းမကြီးဘေးပလက်ဖောင်းပေါ်၌ ရှာဖွေနေပြီး အိတ်အမဲနှင့် အထုပ်တစ်ထုပ်ကို ဓာတ်ပုံမှတ်တမ်းရိုက်ယူသွားကြောင်း ၎င်းကပြောသည်။
