Connect with us

Hi, what are you looking for?

LuduNwayOo

News

KIAနှင့် PDF ပေါင်းတိုက်၍ မိုးကုတ်သပိတ် ဖြိုးခွင်းသည့် စစ်ကောင်စီတပ်သား​ခြောက်ဦးသေ

ဩဂုတ် ၁၆ရက်က ဟိုဝိတ်ရွာအနီး ပလောင်ကျောင်းခမ်းကျေးရွာအထက်ပိုင်းသို့ထိုးစစ်ဆင်လာသည့် ခလရ (၁၄၈) တပ်ကို မလွှဲမရှောင်သာ ၍ လက်ဦးမှုရယူ တိုက်ခိုက်ခဲ့ခြင်းဖြစ်ကြောင်း၊ KIAနှင့် PDF ပူးပေါင်းအဖွဲ့မှ ထိခိုက်မှုမရှိကြောင်း ဖော်ပြထားသည်။

မိုးကုတ်မြို့တွင် စစ်အာဏာရှင်ဆန့်ကျင်ရေးဆန္ဒပြပြည်သူများကို ဖြိုခွင်းခဲ့သည့် ခလရ (၁၄၈)တပ်ကို ကချင်လက်နက်ကိုင်အဖွဲ့(KIA)နှင့်မိုးကုတ်မြို့နယ်ပြည်သူ့ကာကွယ်ရေးတပ်ဖွဲ့(PDF) တို့ ပူးပေါင်းတိုက်ခိုက်ခဲ့ရာ စစ်ကောင်စီတပ်ဖွဲ့ဝင် ​ခြောက်ဦးသေဆုံးပြီး ဒဏ်ရာရသူများပြားခဲ့ကြောင်း မိုးကုတ် PDFက သတင်းထုတ် ပြန်သည်။

ဩဂုတ် ၁၆ရက်က ဟိုဝိတ်ရွာအနီး ပလောင်ကျောင်းခမ်းကျေးရွာအထက်ပိုင်းသို့ထိုးစစ်ဆင်လာသည့် ခလရ (၁၄၈) တပ်ကို မလွှဲမရှောင်သာ ၍ လက်ဦးမှုရယူ တိုက်ခိုက်ခဲ့ခြင်းဖြစ်ကြောင်း၊ KIAနှင့် PDF ပူးပေါင်းအဖွဲ့မှ ထိခိုက်မှုမရှိကြောင်း ဖော်ပြထားသည်။

ဆက်လက်ပြီး စစ်အာဏာရှင်ကို အမြစ်ပြတ် တွန်းလှန် တိုက်ခိုက်သွားမည်ဖြစ်ကြောင်း ကတိသစ္စာပြုသည်ဟု မိုးကုန် PDFက ထုတ်ပြန်ခဲသည်။

အဆိုပါ ဒေသ၌ စစ်ကောင်စီတပ်ကို KIAနှင့် PDF ပူးပေါင်းတိုက်ခိုက်သည်ဆိုခြင်းမှာ ဘုံရည်မှန်းချက်တူညီ၍ ဖြစ်ကြောင်း ကချင်ဒေသခံတစ်ဦးက ပြော သည်။

“ရှမ်းမြောက်ဘက်က ကိုင်တာပေါ့။ တပ်မဟာ(၄) ဧရိယာ။ ဒါကတော့ PDF တွေကလည်း စစ်အာဏာရှင် ကျဆုံးရေးအတွက် လုပ်နေတယ် KIAကလည်း လုပ်နေတယ်ဆိုတော့ သူတို့ကပေါင်းလုပ်ကြတာပေါ့။ သင်တန်းကလည်း KIAဆီမှာပဲ သင်တန်းယူတာကိုး။ အဲဒီအခါကျတော့ဘုံရန်သူကို သတ်မှတ်ပြီးတော့ တိုက်ကြတယ်လို့ မြင်ပါတယ်။ စစ်အစိုးရရဲ့ယန္တရားမလည်ပတ်နိုင်အောင်ပေါ့။” ဟု ၎င်း ကဆိုသည်။

စစ်ကိုင်းတိုင်းနှင့် ကချင်ပြည်နယ် ဒေသအချို့တွင်လည်း စစ်ကောင်စီတပ်ကို KIAနှင့် PDF တို့ ပူးပေါင်းတိုက်ခိုက်မှုများရှိခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

အထက်ပါ စစ်ကောင်စီယာဥ်သည် မတရားသဖြင့် ကောက်ယူထားသော ပြည်သူ့ချွေးနည်းစာ မီတာခများကို ၎င်းတို့၏ရိက္ခာအဖြစ်ပြုလုပ်မည်ကို ခွင့်မပြုနိုင်သောကြောင့် ယခုကဲ့သို့ တိုက်ခိုက်ခဲ့ခြင်းဖြစ်သည်ဟု မြစ်ငယ် PDF က အသိပေးထားသည်။

သတင်း

ကျားတက်စခန်းသိမ်းတိုက်ပွဲတွင် စစ်ကောင်စီဘက်က အထိနာခဲ့သော်လည်း သေဆုံးသူအရေအတွက်ကို မသိရသေးပေ။ စစ်ကောင်စီတပ်သည် ကျားတက်စခန်းကို ပြန်လည်ဝင်ရောက်လာခြင်းမရှိသေးကြောင်း ဒေသခံများက ပြောသည်။

သတင်း

စက်တင်ဘာလ တစ်လတာအတွင်း ကရင်နီပြည်နယ်၌ KNDF ၊ ကရင်နီတပ်မတော် (KA)၊ အခြားမဟာမိတ်ပြည်သူ့ကာကွယ်ရေးတပ်များ နှင့် စစ်ကောင်စီတပ်များအကြား တိုက်ပွဲဖြစ်ပွား ခဲ့မှုများကို သတင်းထုတ်ပြန်ခဲ့ခြင်းဖြစ်သည်။

သတင်း

မြောင်မြို့နယ်(T.G.R)ပြည်သူ့ကာကွယ်ရေးတပ်က ဗိုလ်တိုက်ဂါးက "စစ်ကောင်စီတပ်က လမ်းဘေးဝဲယာကိုလည်း ပစ်တယ်။ T.G.R Women Drone Force ကလည်း ဒရုန်းနဲ့ ကားပေါ်ဗုံးချ တိုက်ခိုက်ခဲ့ပါသေးတယ်။ နာရေးကားနှစ်စီးနဲ့ကို နှစ်ခါသယ်သွားရတာ"ဟု ပြောသည်။