ဧရာဝတီတိုင်း ဖျာပုံမြို့မှာ သတင်းပေးဒလန်လို့ နာမည်ထွက်သူအမျိုးသားတစ်ဦး သေနတ်နဲ့ပစ်သတ်ခံရပြီး သေဆုံးသွားတယ်လို့ သတင်းရှိပါတယ်။
အပစ်ခံရသူဟာ အောင်ကြီး(ခ)မင်းသားကြီးဆိုသူဖြစ်ပြီး ဖျာပုံမြို့ ကျွန်းတောလမ်းနဲ့ (၉)လမ်းထောင့်နားမှာ ဆိုင်ကယ်စီးလာရင်း အပစ်ခံခဲ့ရတာလို့ ဒေသခံတွေက ပြောပါတယ်။
သတင်းပေးဒလန်လို့ နာမည်ကြီးတဲ့ အောင်ကြီးဟာ သေနတ်နဲ့ပစ်ခံရလို့ ရရှိတဲ့ဒဏ်ရာနဲ့ပဲ နေရာတင်ပွဲချင်း ပြီးသေဆုံးသွားတယ်လို့ ဒေသခံတွေက အတည် ပြုပါတယ်။
သြဂုတ် ၁၈ရက်က ဧရာဝတီတိုင်း ရေကြည်မြို့နယ် အသုတ်မြို့က သတင်းပေးဒလန် ဦးဝင်းနိုင်ဦးဆိုသူလည်း သေနတ်နဲ့ပစ်ခံရလို့ သေဆုံးတဲ့ဖြစ်စဉ် ဖြစ်ပွားခဲ့ပါတယ်။
Public Service Announcement
