အကြမ်းဖက်စစ်ကောင်စီ၏လက်ပါးစေများနှင့် သတင်းပေးဒလန်များ၏အသက်၊ အိုးအိမ်၊ စည်းစိမ်တို့အား တာဝန်ယူမည်မဟုတ်ဟု သတိပေး
မကွေးတိုင်း တောင်တွင်းကြီးမြို့နယ်ရှိ အကြမ်းဖက်စစ်ကောင်စီခန့်အပ်ထားသည့် ရွှေအိုး(၁) ရပ်ကွက် ရာအိမ်မှူး၊ အများပြည်သူက ဒလန်ဟုသတ်မှတ်ထားသူဦးဇော်လတ်အား အဆိုပါရပ်ကွက်ရုံးအတွင်း သေနတ်ဖြင့်ပစ်သတ်ခဲ့ ကြောင်း ဗိဿနိုးနယ်မြေ ပြည်သူ့ကာကွယ်ရေးတပ်မတော်က ယနေ့ကြေညာသည်။
ယနေ့နံနက်၈နာရီအချိန်တွင် ရွှေအိုး (၁)ရပ်ကွက် အုပ်ချုပ်ရေးမှူးရုံးအတွင်းဝင်ရောက်ပြီး ဦးဇော်လတ်အား ပစ်ခတ်ခဲ့ရာ ဦးခေါင်းတစ်ချက်၊ရင်ဘတ်နှစ်ချက်ထိမှန်ခဲ့သည်ဟု ထုတ်ပြန်ချက်တွင် ဖော်ပြထားသည်။
အဆိုပါ ဒလန်ဦးဇော်လတ်သည် တပ်မတော်ထောက်ခံပွဲများအား ဦးဆောင်စီစဉ်သူအဖြစ် ဆောင်ရွက်ခဲ့ပြီး ကျွန်ုပ်တို့အနေဖြင့် တောင်တွင်းကြီးမြို့တွင် နေထိုင်လျက်ရှိသည့် အကြမ်းဖက်စစ်ကောင်စီ၏လက်ပါးစေများ၊ သတင်းပေးဒလန်များနှင့် ၎င်းတို့၏ မိသားစုဝင်များ၊ နှီးနွယ်ဆက်စပ်သူများ၏ အသက်၊အိုးအိမ်၊ စည်းစိမ်တို့အား လုံးဝ(လုံးဝ)တာဝန်ယူမည် မဟုတ်ပါကြောင်း အထူးသတိပေးချက်ထုတ်ပြန်ဟု ဖော်ပြထားသည်။
ထို့အပြင် ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် ပြည်သူ့ကာကွယ်ရေးတပ်ဖွဲ့များနှင့် ပူးပေါင်းကာ စစ်အာဏာရှင်စနစ်အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထုအနေဖြင့်လည်း ပူးပေါင်းပါဝင်ကြပါရန် လေးစားစွာမေတ္တာရပ်ခံထားသည်။
Public Service Announcement
