မကွေးတိုင်း မြို့သစ်မြို့နယ် ပုတီးကုန်းကျေးရွာအုပ်ချုပ်ရေးမှူး ဒလန်ထွန်းထွန်းအား ယနေ့(သြဂုတ်၂၂ရက်)နံနက် ၉နာရီခန့်တွင် သုတ်သင်ခဲ့ကြောင်း ဗိဿနိုးနယ်မြေ ပြည်သူ့ကာကွယ်ရေးတပ်မတော်က ကြေညာသည်။
ပုတီးကုန်းကျေးရွာတွင် အကြမ်းဖက်စစ်ကောင်စီမှ ကျေးရွာအုပ်ချုပ်ရေးမှူးအဖြစ်ခန့်အပ်ထားသည့် အများပြည်သူမှ အကြီးစားဒလန်ဟု သတ်မှတ်ထားသူ ဒလန်ထွန်းထွန်းအား ဖောင်းဒိုင်းခဲ့ပါသည်ဟု ထုတ်ပြန်သည်။
အဆိုပါ အကြီးစားဒလန်ထွန်းထွန်းသည် တပ်မတော်ထောက်ခံပွဲများတွင်ဦးဆောင်၍ စည်းရုံးလှုံ့ဆော်သူအဖြစ် ဆောင်ရွက်ခဲ့သူဖြစ်ပါတယ်။ ကျွန်ုပ်တို့အနေဖြင့် မြို့သစ်မြို့နယ်တွင် နေထိုင်လျက်ရှိသည့် အကြမ်းဖက် စစ်ကောင်စီ ၏ လက်ပါးစေများ၊ သတင်းပေး ဒလန်များနှင့် ၎င်းတို့၏ မိသားစုဝင်များ၊ နှီးနွယ်ဆက်စပ်သူများ၏ အသက်၊ အိုးအိမ်၊ စည်းစိမ်တို့အား လုံးဝ(လုံးဝ) တာဝန်ယူမည် မဟုတ်ပါကြောင်း အထူးသတိပေးချက် ထုတ်ပြန်လိုက်သည်ဟု ထပ်မံဖော်ပြထားသည်။
ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် ပြည်သူ့ကာကွယ် ရေးတပ်ဖွဲ့များနှင့် ပူးပေါင်းကာ စစ်အာဏာရှင်စနစ်အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထုအနေဖြင့်လည်း ပူးပေါင်း ပါဝင်ကြပါရန် လေးစားစွာမေတ္တာရပ်ခံထားသည်။
Public Service Announcement
