'/%3E%3C/svg%3E){kind=small}
ပဋိပက္ခများအတွင်း ပြည်သူများ ဘေးအန္တရာယ်အတွက် ကြိုတင်ပြင်ဆင်ရန် အချက်များကို အမျိုးသားညီညွတ် ရေးအစိုးရ(NUG)က ယနေ့နံနက်ပိုင်းတွင် စတင်ထုတ်ပြန် သည်။
NUG၏ လူသားချင်းစာနာထောက်ထားရေးနှင့်ဘေး အန္တရာယ်ဆိုင်ရာ စီမံခန့်ခွဲရေး ဝန်ကြီးဌာနက “ပဋိပက္ခများအတွင်း ပြည်သူများ ဘေးအန္တရာယ်အတွက် ကြိုတင်ပြင်ဆင်ရန် အချက်များ”အား အပိုင်းလိုက် အသိပေးထုတ်ပြန်သွားမည်ဖြစ်ရာ ယနေ့နံနက်တွင် အပိုင်း(၁)ကို ဖော်ပြခဲ့ပြီး လိုအပ်သူများကို ထပ်ဆင့်မျှဝေခြင်းဖြင့် ကူညီနိုင်ကြောင်း ရေးသားထားသည်။
ဘေးအန္တရာယ်ဆိုသည်မှာ သဘာဝဘေးသာမက ၊ လူ့ကြောင့်ဖြစ်သောဘေး နှင့် ပဋိပက္ခများကြောင့် ဖြစ်သော ဘေးများလည်း ပါဝင်ကြောင်း၊ ပြည်သူများသည် သိသင့်သိထိုက်သည့် အချက်များကို သိရှိနားလည်ထားရမည်ဖြစ်ပြီး ပြင်ဆင်ရမည့်အရာများကို ကြိုတင်ဆောင်ရွက်ထားရန် လိုအပ်ကြောင်း ထုတ်ပြန်ခဲ့သည်။
ပြည်သူများ ပါဝင်နိုင်မည့်လုပ်ငန်းစဥ်များကိုလည်း သဘောပေါက်နားလည်ထားရန် အရေးကြီးကြောင်း ဖော်ပြထားသည်။
Public Service Announcement
