လွိုင်ကော်မြို့နယ် လွိုင်လင်လေးဒေသ၌ ကရင်နီလက် နက်ကိုင်ပူးပေါင်းတပ်နှင့် စစ်ကောင်စီတပ်တို့ ၁နာရီကြာ တိုက်ပွဲဖြစ်ပွားခဲ့ပြီး စစ်ကောင်စီတပ်မှ ထိခိုက်မှုများရှိနိုင်ကြောင်း ကရင်နီအမျိုးသားကာကွယ်ရေးတပ်ဖွဲ့ (KNDF)က သတင်းထုတ်ပြန်သည်။
ကရင်နီတပ်မတော်(KA)၊ KNDF ပူးပေါင်းအဖွဲ့နှင့် စစ်ကောင်စီတပ်တို့ ဩဂုတ် ၂၈ရက်နှင့် ၂၉ရက်က တိုက်ပွဲများဖြစ်ပွားခဲ့သည့် လွိုင်လင်လေးဒေသ ဒေါတဟေးကျေးရွာအနီး ၌ ယနေ့ တိုက်ပွဲဆက်လက် ဖြစ်ပွား ခဲ့ရာ စစ်ကောင်စီတပ်မှ သာလွန်အင်အားဖြင့် လက်နက်ကြီးများ အဆက်မပြတ် ပစ်ခတ်ခဲ့ကြောင်း ဖော်ပြထား သည်။
အဆိုပါ တိုက်ပွဲတွင် ကရင်နီလက်နက်ကိုင်ပူးပေါင်းတပ်မှ ရဲဘော်အချို့ အသေးစားထိခိုက်ဒဏ်ရာရမှုရှိခဲ့သည်ဟု KNDFက ဆိုသည်။
လွိုင်ကော်မြို့နှင့် လွိုင်လင်လင်းမြို့ အခြေစိုက် စစ်ကောင်စီတပ်ရင်းများသည် ဩဂုတ် ၃၀ ရက်ကလည်း တိုက်ပွဲဖြစ်ပွားရာ ဒေါတဟေးကျေးရွာဘက်သို့ အမြောက်များဖြင့်ပစ်ခတ်ခဲ့ကြောင်း၊ အကြမ်းဖက်စစ်ကောင်စီတပ်များသည် လွိုင်ကော်မြို့နယ်၊ လွိုင်လင်လေးနှင့်၊ တီးလုံကျေးရွာအုပ်စုဘက်သို့ ထိုးစစ်ဆင်လျက်ရှိကြောင်း ထုတ်ပြန်ခဲ့သည်။
Public Service Announcement
