အကြမ်းဖက်စစ်တပ်ရဲ့တက္ကသိုလ်သုံးခုဗိုလ်လောင်းလျှောက်လွှာထုတ်ပေး၊ တင်သွင်းခြင်းကို တစ်လသက်တမ်းတိုးမြှင့်တယ်လို့ ဝါဒဖြန့်သတင်းစာတွေကနေ ဒီနေ့ကြေညာပါတယ်။
စစ်တက္ကသိုလ်၊ တပ်မတော်နည်းပညာတက္ကသိုလ်နဲ့ တပ်မတော်ဆေးတက္ကသိုလ် ဗိုလ်လောင်း လျှောက်လွှာတွေကို ထုတ်ပေး၊ တင်သွင်းခြင်းကို ဩဂုတ် ၃၁ ရက်နောက်ဆုံး ထုတ်ယူ၊ တင် သွင်းဖို့ကြေညာခဲ့ပေမယ့် စက်တင်ဘာ ၃၀ အထိ ထပ်မံရက်တိုးမြှင့်ဆောင်ရွက်သွားမယ်လို့ ကြေညာချက်မှာ ဖော်ပြပါတယ်။
အဲဒီလို တစ်လအချိန်တိုးမြှင့်တာနဲ့ပတ်သက်လို့ အကြမ်း ဖက်စစ်တပ်က ကိုဗစ်-၁၉ ရောဂါကူးစက်ပြန့်ပွားမှုအခြေအနေအရလို့ အကြောင်းပြထားပါတယ်။
ဒါပေမဲ့ အာဏာသိမ်းယူပြီးနောက်ပိုင်း မြန်မာပြည်သူတွေကြားမှာ မုန်းတီးရွံရှာမှုကိုခံနေရတဲ့ အကြမ်းဖက်စစ်တပ်ထဲကို ဝင်ရောက်လိုသူ နည်းပါးနေတာကြောင့် အခုလို ရက်တိုးမြှင့်တာဖြစ် တယ်လို့ လူမှုကွန်ရက်မှာ ပြည်သူတွေက ရေးသားသုံးသပ်ကြပါတယ်။