ချင်းပြည်နယ်က ဒေသအချို့မှာ ဒီနေ့မနက်ပိုင်းက MPT ဖုန်းလိုင်း နာရီနဲ့ချီပြီး ပြတ်တောက်ခဲ့တယ်လို့ ဒေသခံတွေဆီကသိရပါတယ်။
ဖလမ်းမှာဆို ဒီနေ့ မနက်ပိုင်း ၁၁ နာရီအထိ ဖုန်းဆက်သွယ်ပြောဆိုလို့မရခဲ့ပါဘူး ။ဒါပေမယ့် ဝိုင်ဖိုင် အင်တာနက်တော့ ပြတ်မသွားဘူးလို့ ဒေသခံဆီကသိရပါတယ်။
တီးတိန်ဘက်မှာတော့ MPT နဲ့ My Tel ကို အဓိကထားသုံးစွဲကြတာဖြစ်ပြီး MPT လိုင်းကတော့မနက်ပိုင်းကတည်းက ပြတ်သွားခဲ့ပေမယ့် My Tel ကတော့ ဖုန်းလိုင်းရော ၊အင်တာနက်ပါ မပြတ်ဘူးလို့ ဒေသခံက ဆိုပါတယ်။
ဒီနေ့ညနေပိုင်းမှာ ဖုန်းလိုင်းတွေပြန်ရလာပြီလို့သိရပါတယ်။
ကချင်ပြည်နယ် ၊ဖားကန့်မှာဆိုရင်လည်းပြီးခဲ့တဲ့ ရက်ပိုင်းတွေအတွင်းက ဖုန်းလိုင်းနဲ့ အင်တာနက် ဖြတ်တောက်ခံခဲ့ရပါတယ်။
ပြီးခဲ့တဲ့ မေလအတွင်းက ချင်းပြည်နယ် ၊မင်းတပ်မှာ ဒေသကာကွယ်ရေးတပ်ဖွဲ့ နဲ့ စစ်ကောင်စီတို့ တိုက်ပွဲတွေဖြစ်ပွားခဲ့ပြီး စစ်ကောင်စီဟာ မင်းတပ်မြို့ကို ဖုန်းလိုင်းဖြတ်တောက်တာတွေ လုပ်ဆောင်ခဲ့တာရှိပါတယ်။