ရေစကြိုမြို့တွင် စစ်​ကောင်စီယာဥ်တန်းကို မိုင်းခွဲတိုက်ခိုက်

မကွေးတိုင်း ရေစကြိုမြို့တွင် ယမန်နေ့ညနေပိုင်းက စစ်ကောင်စီယာဥ်တန်းအား မိုင်းခွဲတိုက်ခိုက်ခဲ့ပြီး စစ်ကောင် စီသတင်းပေးတစ်ဦး၏ ဆီဆိုင်ကိုလည်း ဗုံးခွဲခဲ့ကြောင်း ရေစကြို PDF အဖွဲ့က သတင်းထုတ်ပြန်သည်။

စက်တင်ဘာလ ၈ ရက် ညနေ ၆ နာရီဝန်းကျင်က ပခုက္ကူမြို့ဘက်မှထွက်လာသော စစ်ကောင်စီယာဥ်တန်းသည် ရေစကြို မြို့နယ် ဆန်းသစ်ရွာ တောင်ဘက်တွင် မိုင်းခွဲတိုက်ခိုက်ခံခဲ့ရပြီး ၎င်းတို့ပြုလုပ်ခြင်း​ဖြစ်ကြောင်း ရေစကြို PDF က အသိပေးသည်။

မိုင်းခွဲခံရပြီးနောက် လူထိခိုက်မှုအခြေအနေမသိရသေးကြောင်း၊ အဆိုပါနေရာတွင် စစ်ကောင်စီ တပ်သားအင်အားအများအပြားဖြင့် ပစ်ဖောက်သောင်းကြမ်းမှုများ ပြုလုပ်သွားကြောင်း ရေစကြိုနယ်ခံအချို့က လည်းပြောသည်။

“မြေကြီးတောင်တုံတယ်။ငလျင်လှုပ်တဲ့အတိုင်ပဲ။”ဟု အခင်းဖြစ်ရာအနီး နေထိုင်သူတစ်ဦးက ပြောသည်။

Public Service Announcement

ထို့အပြင် ရေစကြို PDF အဖွဲ့သည် စိုက်ပျိုးရေးရုံးတွင် အလုပ်လုပ်ကိုင်နေသော စစ်ကောင်စီသတင်းပေးတစ်ဦး၏ ဆီဆိုင်ကိုလည်း ယ​မန်နေ့ နံနက်ပိုင်းကလည်း ဗုံးခွဲတိုက်ခိုက်ခဲ့ကြောင်း သတင်းထုတ်ပြန်သည်။

အဆိုပါ စစ်ကောင်စီသတင်းပေး၏ဆီဆိုင်သည် ရေစကြိုမြို့နယ် ရေစကြို-ပခုက္ကူလမ်းဘေးတွင်ရှိပြီး ပျူစောထီးဟုလည်း နာမည်ထွက်နေသူဖြစ်ကြောင်း ဒေသခံတို့က ပြောသည်။