မန္တလေးမြို့ မဟာအောင်မြေမြို့နယ်အတွင်း သံနောက်/အုတ်ကျင်းရပ်ကွက်က စစ်ကောင်စီခန့်အပ်ထားတဲ့ ရာအိမ်မှူးတစ်ဦးသေနတ်နဲ့ပစ်ခတ်ခံခဲ့ရပါတယ်။
စက်တင်ဘာလ ၈ ရက် မနေ့က ညနေပိုင်း သေနတ်နဲ့ပစ်ခတ်ခံရတယ်လို့ ဒေသခံတွေဆီကနေ စုံစမ်းသိရပါတယ်။
ရာအိမ်မှူး ဦးပေါက်စီဆိုသူဟာ ရပ်ကွက်ရှိ လူမှုကူညီရေးအသင်းရုံးကနေ ပြန်အထွက် ဆိုင်ကယ်နဲ့အမျိုးသားနှစ်ဦးကသေနတ်ပစ်ခတ်သွားတာဖြစ်ပါတယ်။
အဲဒီရာအိမ်မှုးကို မန္တလေးဆေးရုံးကြီးမှာ အခုအချိန်ထိ ဆေးကုသမှုခံယူနေဆဲဖြစ်တယ်လို့ စုံစမ်းသိရပါတယ်။ ဒါပေမယ့်အပြင်မှာတော့ သေနတ်နဲ့ပစ်ခတ်ခံရတဲ့နေရာမှာတင် ပွဲချင်းပြီးသေဆုံးသွားတယ်လို့လည်း သတင်းတွေထွက်ပေါ်နေတာဖြစ်ပါတယ်။
Public Service Announcement
