ရန်ကုန်မြို့ စမ်းချောင်းမြို့နယ် ဗဟိုလမ်းနှင့် ဗားကရာလမ်းဆုံအနီးတွင် ကင်းလှည့်နေသော အကြမ်းဖက်စစ်ကောင်စီကားတစ်စီး ဗုံးပစ်ခံရ၍ စစ်သားနှစ်ဦးသေဆုံးပြီး အများအပြားဒဏ်ရာရရှိခဲ့ကြောင်း ဒေသခံများက ပြောသည်။
“ညနေ ၄ နာရီလောက်က စစ်ကားတစ်စီးသွားနေတုန်း ဗုံးပစ်ခံရတာပါ။ ကားပေါ်ပါလာတဲ့ စစ်သားတစ်ဦးတော့ ပွဲချင်းပြီးသေပြီး ဒဏ်ရာရတဲ့သူတွေလည်း များတယ် ပြောကြတယ်။ အခု စစ်သားတွေက အနီးအနားက လမ်းကြားတွေထိ လိုက်ရှာပြီး ပစ်နေလို့ ပစ်ခတ်သံတွေပါ ကြားနေရတာပါ။ ဗုံးပစ်သွားတဲ့လူကိုတော့ မမိဘူးလို့ သိရပါတယ်” ဟု စမ်းချောင်းမြို့နယ် ပြည်သူတစ်ဦးက ပြော
သည်။
လက်ရှိတွင် စမ်းချောင်းရှိ ဂွစျေးအနီး၊ ကျွန်းတောလမ်း၊ ဗားကရာလမ်းနှင့် ဗဟိုလမ်းများကို အကြမ်းဖက်စစ်ကောင်စီတပ်များက ပိတ်ဆို့ပြီး ရှာဖွေနေကြောင်း ဒေသခံများက ပြောသည်။
