မကွေးတိုင်း စေတုတ္တရာ မြို့နယ် ဝန်လို -ခိုနန်းရွာရှိ စစ်ကောင်စီထံသတင်းပေးနေသူတစ်ဦးဖြစ်သူ စစ်မှုထမ်း ဟောင်းအငြိမ်းစားတစ်ဦးနှင့် ၎င်း၏ဇနီးဖြစ်သူတို့ ယနေ့ နံနက်ပိုင်းက သတ်ဖြတ်ခံရကြောင်း ဒေသခံတစ်ဦးက ပြောသည်။စစ်မှုထမ်းဟောင်း ဦးငြိမ်းထွန်းနှင့် ၎င်း၏ ဇနီးတို့ ယနေ့ စက်တင်ဘာ ၁၀ရက် နံနက် ၁၁နာရီခန့်တွင် အသတ်ခံရ ခြင်းဖြစ်သည်ဟု ဆိုသည်။
“အခု စစ်ကောင်စီ အာဏာသိမ်းပြီးတဲ့အချိန်မှာ ကျေးရွာမှာရှိတဲ့သူတွေကို မဟုတ်မမှန်ပြောပြီး ဖမ်းဆီးခိုင်းတယ်။ ကျေးရွာလူတွေမနေရဲအောင်နည်းမျိုးစုံနဲ့ သတင်းတွေပေးတော့ ကျေးရွာသူ၊ကျေးရွာသားတွေက မခံမရပ်နိုင်ဖြစ်နေတာ”ဟု ဒေသခံက ပြောသည်။
အဆိုပါ စစ်မှုထမ်းဟောင်း လင်မယားအားသတ်ဖြတ်သူကိုမူ မသိရသေးဟု ၎င်းက ဆိုသည်။
ယင်းစစ်မှုထမ်းဟောင်းသည် အာဏာအသိမ်းမခံရမီ အရပ်သားအစိုးရလက်ထက်ကတည်းက ရဲနှင့်ပေါင်းပြီး ဒေသတွင်းရှိ သစ်၊ ဝါး ကုန်သည်များထံမှ ငွေကြေးများ တောင်းခံနေသူဖြစ်သည်ဟု ဒေသခံက ပြောသည်။
Public Service Announcement
