လှိုင်သာယာမြို့နယ် သောင်ကြီးရဲစခန်းအနီး စစ်ကောင်စီကတပ်ဆွဲထားသည့် ဖိနပ်စက်ရုံတွင် ဗုံးပေါက်ကွဲပြီး စစ်ကောင်စီတပ်ဖွဲ့ဝင် နှစ်ဦးသေဆုံးပြီး ခြောက်ဦးဒဏ်ရာပြင်းထန်စွာရရှိသွားကြောင်း မြို့ပြပြောက်ကြားတပ်ဖွဲ့ (CGF-HTY)က ယနေ့ ထုတ်ပြန်သည်။
စစ်ကောင်စီတပ်များတပ်ဆွဲထားသော တရုတ်နိုင်ငံသားပိုင် ရိုရှီဖိနပ်စက်ရုံအား အဝေးထိန်းဗုံးဖြင့် ဖောက်ခွဲမှုပြုလုပ်ခဲ့ရာ ၃ နာရီ ၁၅ မိနစ် အချိန်ခန့်တွင် ဗုံးတစ်လုံး၊ မိနစ် ၂၀ ခန့်တွင် တစ်လုံး၊ နောက်ထပ် မိနစ် ၃၀ ခန့်တွင် တစ်လုံးဖြင့် စုစုပေါင်း ဗုံးသုံးလုံးဖောက်ခွဲခဲ့ခြင်းဖြစ် သည်ဟု ထုတ်ပြန်ချက်တွင် ဖော်ပြသည်။
ထိုပေါက်ကွဲမှုများကြောင့် အကြမ်းဖက်စစ်ကောင်စီ တပ်ဖွဲ့ဝင် နှစ်ဦးသေဆုံးကာ ခြောက်ဦးထက်မနည်း ပြင်းထန်စွာ ထိခိုက်မှုရှိခဲ့ကြောင်း CGF-HTY ထုတ်ပြန်ချက်က ဆိုသည်။
လှိုင်သာယာမြို့ပြပြောက်ကျားတပ်သည် ပြီးခဲ့သည့်ရက်ပိုင်းကလည်း လှိုင်သာယာ-ပုသိမ်လမ်းမကြီးဘေး အမှတ်(၉)ရဲတပ်ရင်းရှေ့တွင် ဖောက်ခွဲမှုအချို့ပြုလုပ်ခဲ့သေးသည်။
Public Service Announcement
