ကျွန်တော်သည် ဖက်ဒရယ်ဒီမိုကရေစီ ရရှိရေးအတွက်အာဏာရှင်ကိုတွန်းလှန်တော်လှန်ရင်း ကျဆုံးခဲ့သည်ရှိသော် အောက်ပါအချက်အလက်များအား မင်းတပ်မြို့နယ်ပြည်သူ့အုပ်ချုပ်ရေးနှင့် ကျွန်တော်၏ချစ်သောရဲဘော်များအား သိရှိစေရန် ဤစာကိုရေး၍ထားခဲ့၏။
(၁) ကျွန်ုပ်၏ အသုဘပွဲအား သက်သတ်လွတ်ဖြင့်ပြီးပါစေ။ကျွန်တော်၏အသုဘတွင်မည်သည့်သက်ရှိသတ္တဝါကိုမျှသတ်ဖြတ်ခြင်း (အသုဘပွဲ) မပြုရ။ပြည်သူလူထုအားညှင်းပန်းနှိပ်စက်သော အာဏာရှင်မှလွဲ၍ မည်သည့်သက်ရှိကိုမျှ နာကျင်သေကျေခြင်းငှာ အလိုမရှိ။
(၂)ကျွန်ုပ်အားသင်္ဂြုဟ်ချိန်တွင်သေနတ်ပစ်ဖောက်ခြင်း မပြုရ။ကျည်ဆံဟူသမျှကိုရန်သူ့ဘက်သို့သာကျရောက်ပါစေ။ကျွန်တော်ကြောင့်ပစ်ဖောက်မည့် ကျည်ဆံအား ပြည်သူလူထုကိုကာကွယ်ရန်နှင့်အာဏာရှင်လူတစ်စု အတွက်သာအသုံးပြုပါ။
(၃)ကျွန်ုပ်အသုဘပွဲ၌ ငိုကြွေးခြင်းမပြုရ။ ကျွန်တော်ကျဆုံးခြင်းသည် မွန်မြတ်သော ကျဆုံးခြင်းဖြစ်သောကြောင့် ငိုကြွေးမြည်တမ်းခြင်းမပြုရ။ ကျွန်တော်အသုဘ၌ ဘုရားဂုဏ်တော်ချီးမွမ်းခြင်းနှင့် နောက်နေ့အတွက် မဟာဗျူဟာများကိုဆွေးနွေးတိုင်ပင်ခြင်းကိုသာပြုလုပ်ရန်။
Public Service Announcement
(၄)ကျွန်ုပ်ကျဆုံးမှုအပေါ် မည်သူ၌မျှအပြစ်မရှိ။
ဤတော်လှန်ရေးတွင်ပါဝင်ခြင်းသည် ကျွန်တော်ဆန္ဒအလျောက်သာ ဖြစ်သောကြောင့်မည်သူ့အပေါ်တွင်မျှအပြစ်တင်ရန် မလိုအပ်ပေ။ ထို့ကြောင့် မိဘဆွေမျိုးများမှ အပြစ်တင်ရန်ပြုမှုများရှိလာပါက ပြန်လည်တုန့်ပြန်နိုင်သည်။
(၅)အဆုံးအထိတိုက်ပွဲဝင်ပေးရန်။စိတ်ပျက်အားလျော့ခြင်းမပြုဘဲ ရည်မှန်းချက်ပြည့်ဝသည်အထိ ဇွဲမလျှော့စတမ်း တိုက်ခိုက်ပေးရန်နှင့်ဖက်ဒရယ်ဒီမိုကရေစီပြည့်ဝသောနိုင်ငံအား ထူထောင်ပေးရန်တို့ဖြစ်ပါသည်။
ဆလိုင်း ခိုပါလိန်း
မြို့ပေါ်တပ်ရင်း
ချင်းကာကွယ်ရေးတပ်ဖွဲ့ (မင်းတပ်) C.D.F-Mindat
၁၀.၉.၂၀၂၁
