မန္တလေး က မြို့နယ်အဝင်အထွက် စစ်ဆေးရေးဂိတ်တခုနဲ့ ရဲကင်းစခန်း တခုမှာ ပေါက်ကွဲမှု ဖြစ်ခဲ့လို့ ရာအိမ်မှူးသေဆုံးကာ ဒဏ်ရာရသူတွေရှိခဲ့တယ်လို့သိရပါတယ်။
ဒီနေ့ စက်တင်ဘာလ ၁၃ ရက် မနက် ၉ နာရီလောက်က ပုသိမ်ကြီးမြို့နယ် နဲ့ အောင်မြေသာစံမြို့နယ် အစပ် ၁၉လမ်း ရေနီမြောင်း နယ်ကျော်ကဒ် စစ်ဆေးတဲ့နေရာမှာ ပေါက်ကွဲမှုဖြစ်ခဲ့တာပါ။
အဲဒီပေါက်ကွဲမှုမှာတော့ ရာအိမ်မှူး တဦးသေဆုံးကာ ရဲ ၊မီးသတ်နဲ့ ယာဉ်ထိန်းအပါအဝင် ၇ ဦး ထိခိုက်ဒဏ်ရသွားတယ်လို့ ကူညီကယ်ဆယ်ရေးလုပ်ပေးခဲ့ရသူကပြောပါတယ်။
ဒါအပြင် မနက် ၉ နာရီ ဝန်းကျင်လောက်မှာပဲ အောင်မြေသာစံမြို့နယ်က ကျောက်သပိတ်ရဲကင်းမှာလည်း ပေါက်ကွဲမှုဖြစ်ခဲ့ပါတယ်။
Public Service Announcement
ကျောက်သပိတ်ရဲကင်း ပေါက်ကွဲမှုမှာတော့ သေဆုံးသူတဦးရှိခဲ့တယ်လို့ သတင်းတွေထွက်နေပေမယ့် သီးခြားအတည်မပြုနိုင်ပါဘူး။
