ပြည်သူလူထုရဲ့ ဒီမိုကရေစီဆန္ဒမဲတွေကို လက်နက်အား ကိုးနဲ့ ဖျက်ဆီးခြင်းဟာ မြန်မာနိုင်ငံအတွက်သာမက ကမ္ဘာ့ဒီမိုကရေစီအတွက်ပါ ခြိမ်းခြောက်မှုဖြစ်တယ်လို့ ပြည်ထောင်စုလွှတ်တော် ကိုယ်စားပြုကော်မတီ CRPH က ထုတ်ပြန်ပါတယ်။
ဒီနေ့ကျရောက်တဲ့ နိုင်ငံတကာဒီမိုကရေစီနေ့အခမ်းအနားနဲ့ပတ်သက်ပြီး ထုတ်ပြန်ခဲ့တာဖြစ်ပြီး ကမ္ဘာတစ်ဝန်းရှိ နိုင်ငံတကာအစိုးရတွေ၊ ကုလသမဂ္ဂအဖွဲ့အစည်းတွေ၊ လွှတ်တော်အမတ်တွေ အနေနဲ့ အာဏာသိမ်းစစ်တပ်ရဲ့အကြမ်းဖက်လုပ်ရပ်တွေ ရပ်တန့်ရေး၊ မြန်မာနိုင်ငံမှာ ဒီမိုကရေ စီစနစ်ပြန်လည်ထွန်းကားရေးနဲ့ အနာဂတ်ဖက်ဒရယ်ဒီမိုကရေစီပြည်ထောင်စုတည်ဆောက် နိုင်ရေးအတွက် CRPHနဲ့ ပူးပေါင်းဆောင်ရွက်ကြဖို့ တိုက်တွန်းထားပါတယ်။
CRPH ဟာ ပြည်သူလူထုအပ်နှင်းထားတဲ့ အခွင့်အာဏာကို ကျင့်သုံးပြီး ဒီမိုကရေစီပြန်လည်ရရှိရေးနဲ့ စစ်အာဏာ ရှင်စနစ်အပြီးတိုင်ချုပ်ငြိမ်းရေးတို့ကို အစွမ်းကုန်ဆက် လက်ကြိုးပမ်းဆောင် ရွက်သွားမယ်လို့လည်း ကတိပြုထားပါတယ်။
