ရေစကြိုမြို့အဝင်တိုက်ခိုက်မှု စစ်ကောင်စီတပ်မှ ၁၀ဦးထက်မနည်းသေ

မကွေးတိုင်း ရေစကြိုမြို့ အဝင်တွင် စက်တင်ဘာ ၁၇ရက် ညပိုင်းက စစ်ကောင်စီတပ်ကို မိုင်းဖြင့်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၁၀ဦးထက်မနည်းသေဆုံးခဲ့ပြီး ထိခိုက်ဒဏ်ရာရသူများ လည်းရှိခဲ့ကြောင်း ရေစကြို ပြည်သူ့ကာကွယ်ရေးတပ်ဖွဲ့(PDF)က ယနေ့ထုတ်ပြန် သည်။

ယမန်နေ့ ၁၇ရက် ည ၉နာရီ ၄၅မိနစ်ခန့်က ရေစကြိုမြို့အဝင်တွင် ဆိုင်ကယ်များ၊ ကားများဖြင့် လုံခြုံရေး ပတ်နေသည့် စစ်ကောင်စီယာဉ်တန်းကို မိုင်း ၂လုံးဖြင့် တိုက်ခိုက်ခဲ့ခြင်းဖြစ်သည်ဟု ဆိုသည်။

စက်တင်ဘာ ၈ရက်ကလည်း ပခုက္ကူမှထွက်လာသည့် စစ်ကောင်စီယာဉ်တန်းကို မိုင်းခွဲတိုက်ခိုက်ခဲ့ကြောင်း ရေစကြို PDFက ထုတ်ပြန်ထားသည်။