ထန်တလန်မြို့တွင် ယမန်နေ့ (စက်တင်ဘာ ၁၈)က နံနက်၁၀ နာရီမှ ညနေ ၄ နာရီအထိ အာဏာသိမ်းစစ်ကောင်စီတပ်နှင့် CDF ထန်တလန်၊ CNAတို့ တိုက်ပွဲ ဖြစ်ပွားရာ အကြမ်းဖက်စစ်ကောင်စီ တပ်မှ ၃၀ ကျော် သေဆုံးကြောင်း ချင်းဒေသကာကွယ်ရေးအဖွဲ(CDF)ထန်တလန်က ယနေ့သတင်းထုတ်ပြန်သည်။
၆နာရီကြာသော မြို့တွင်းတိုက်ပွဲတွင် စစ်ကောင်စီတပ်မှ ၃၀ ကျော်သေဆုံးသော်လည်း CDF/CNA ပူးပေါင်းအဖွဲ့မှ ရဲဘော်များ ထိခိုက်ဒဏ်ရာရရှိမှု မရှိကြောင်းလည်းပါရှိသည်။
အကြမ်းဖက်စစ်အုပ်စုအနေဖြင့် ထန်တလန်မြို့တွင် ပြည်သူများအပေါ်အကြမ်းဖက်ခြင်း ၊ညအချိန်မတော် ဧည်စာရင်းစစ်ခြင်း နှင့် အများပြည်သူလုံခြုံရေးကို ဆက်လက်ထိပါးနှောက်ယှက်နေသမျှ ကာလပတ်လုံး CDF ထန်တလန်က အမြစ်ပျက် ခြေမှုန်းတိုက်ခိုက်သွားမည်ဖြစ်ကြောင်းလည်း စက်တင်ဘာ ၁၉ ရက်ညနေတွင်ထုတ်ပြန်သောစာတွင်သတိပေးထားသည်။
ထန်တလန်မြို့တွင် စက်တင်ဘာ ၁၈ ရက်က စစ်ကောင်စီတပ်က လက်နက်ကြီးများဖြင့် မြို့အတွင်းပစ်ခတ်၍ နေအိမ် ၂ အိမ်ထိ့မှန်မီးလောင်ရာမှနေအိမ်ပေါင်း ၁၉ လုံးထိမီးကူးလောင်ပျက်စီးခဲ့သည်။ ထို့အပြင် စစ်ကောင်စီတပ်က မီးငြှိမ်းသတ်ရန် သွားသောထတလန်ရာပြည့်နှစ်ချင်း ခရစ်ယာန်အသင်းတော်မှသင်းအုပ်ဆရာ ပါစတာကျုံးပျက် ကို သေနတ်ဖြင့်ပစ်သတ်ပြီး လက်သန်းကြွယ်ကိုဖြတ်၍ လက်စွပ်ချွတ်ယူကာ လက်ပတ်နာရီ ၊ဖုန်းတို့ကိုပါယူဆောင်သွားသည်။
Public Service Announcement
ထိုအပြင် စက်တင်ဘာ ၁၁ ရက်ကထန်တလန်မြို့နယ်ရှိ မြန်မာ-အိန္ဒိယနယ်စပ်မှ လုံလဲရ်စခန်းကို CDFထန်တလန်အဖွဲ့က အောင်မြင်စွာ တိုက်ခိုက်သိမ်းပိုက်ခဲ့သည်။ထိုစခန်းသိမ်းတိုက်ပွဲတွင် စစ်ကောင်စီတပ်သား ၁၂ ဦးသေပြီး တစ်ဦးအရှင်အဖမ်းခံရကာ လက်နက်ခဲယမ်းအမြောက်အများကိုCDF ကသိမ်းဆည်းနိုင်ခဲ့သည်။
အကြမ်းဖက်စစ်ကောင်စီတပ်က CDFနှင့်တိုက်ပွဲတွင် ရှုံးပြီး အထိနာသဖြင့် ထန်တလန်မြို့ကို လက်နက်ကြီးဖြင့် ပစ်ခတ်ပြီး မြို့ပေါ်ရှိ နေအိမ်နှင့်ဆိုင်ခန်းများမှ အဖိုးတန်ပစ္စည်းများကို ဖောက်ထွင်းခိုးယူနေခြင်းဖြစ်သည်ဟု ဒေသခံများက ပြောသည်။
