ရေစကြို ပြည်သူ့ကာကွယ်ရေးတပ်ဖွဲ့(PDF) စခန်းကို စစ်ကောင်စီတပ်များ ဝင်ရောက်စီးနင်းရာတွင် လမ်းပြပေးခဲ့သည့် ဒလန်တစ်ဦးကို ရှင်းလင်းခဲ့ကြေင်း နှလုံးလှလူမိုက်ကြီးများအဖွဲ့က ယနေ့ သတင်းထုတ်ပြန်သည်။
မကွေးတိုင်း ရေစကြိုမြို့နယ် မအူတောင်ကျေးရွာ တာဝန်ခံ ပျူစောထီးခေါင်းဆောင် မင်းခန့်သည်ဩဂုတ် ၁၉ ရက်က ရေစကြို PDF စခန်းကို စစ်ကောင်စီများ ဝင်ရောက်စီးနင်းရာတွင် စစ်ကောင်စီတပ်ျားနှင့်အတူ လိုက်ပါ ဦးဆောင်လမ်းပြပေးခဲ့သူဖြစ်၍ စက်တင်ဘာ ၁၉ရက်တွင် သုတ်သင်ခဲ့သည်ဟု ဆိုသည်။
“မနေ့က သူ့အိမ်မှာပဲရှင်းလိုက်တာ။ ကျွန်တော်တို့ ထုတ်ပြန်ထားတဲ့အထဲမှာ ရွာနာမည်တွေလည်းပါတယ်” ဟု နှလုံးလှလူမိုက်ကြီးများအဖွဲ့ တာဝန်ရှိသူတစ်ဦးက ပြောသည်။
အဆိုပါ နှလုံးလှလူမိုက်ကြီးများအဖွဲ့သည် မြင်းခြံမြို့နယ်အတွင်း အခြေပြုလှုပ်ရှားသည့်အဖွဲ့ ဖြစ်သည်။
Public Service Announcement
“စစ်ကောင်စီ က သူတို့တွေရဲ့ သွားလာမှုက နေရာတိုင်း အချိန်တိုင်းမှာ သူတို့အတွက် အန္တရာယ်ရှိတယ်။ ကျွန်တော်တို့တွေက မြင်းခြံအခြေစိုက် ဆိုပေမယ့် ကျွန်တော်တို့တွေ နယ်တော်တော်များများကို ကျွန်တော်တို့အဖွဲ့ကလူတွေရှိတယ်။ ဘယ်နယ် ဘယ်မြို့မှာပဲဖြစ်ဖြစ် ဒီစစ်ခွေးတွေ အပြင်ထွက်တိုင်း သူတို့မှာ အန္တရာယ်ရှိတယ်ဆိုတာ ပြောချင်တယ်” ဟု နှလုံးလှ လူမိုက်ကြီးများအဖွဲ့မှ တာဝန်ရှိသူက ပြောသည်။
ယခု ရှင်းလင်းခဲ့သည့် မင်းခန့်ဆိုသူအပါအဝင် စစ်ကောင်စီသတင်းပေး ဒလန် ၂၀ခန့်ကို ရှင်းလင်းခဲ့ကြောင်း ၎င်းကဆိုသည်။
