လှိုင်သာယာမြို့နယ်တွင် ယနေ့ညနေ ၃ နာရီခွဲက ဗုံးခြောက်လုံးဖြင့် ဖောက်ခွဲတိုက်ခိုက်ခဲ့ပြီး စစ်ကောင်စီတပ်ဖွဲ့ဝင်အချို့ ဒဏ်ရာပြင်းထန်စွားရရှိသွားကြောင်း လှိုင်သာယာမြို့ပြပြောက်ကျားတပ်ဖွဲ့(CGF-HTY)က ထုတ်ပြန်သည်။
ဗုံးခွဲတိုက်ခိုက်မှုများကို အနော်ရထာလမ်းမပေါ်ရှိ
ရိုးကြီးနှင့် ရိုးလေးမှတ်တိုင်ကြားတွင် တိုက်ပွဲတခု ဖေါ်ဆောင်ပြီး ဗုံးခြောက်လုံးဖြင့် ဖောက်ခွဲတိုက်ခိုက်ခဲ့သည်ဟု ထုတ်ပြန်ချက်တွင် ဖော်ပြသည်။
ဗုံးပေါက်ကွဲမှုကြောင့် အကြမ်းဖက်စစ်ကောင်စီတပ်မှ ဗိုလ်ကြီးတစ်ဦးနှင့် ဒုရဲမှူးတစ်ဦး ထိခိုက်ဒဏ်ရာရှိသည်ဟုသတင်းများထွက်ပေါ်နေသော်လည်း People’s Springက သီးခြားအတည်ပြုချက် မရရှိသေးပေ။
CGF ၏ထုတ်ပြန်ချက်အရ ဗုံးဖောက်ခွဲတိုက်ခိုက်မှုအတွင်း စစ်ကောင်စီတပ်ဖွဲ့ဝင် အရပ်ဝတ်တချို့နှင့် စစ်ကောင်တပ်သားတချို့ ပြင်းထန်စွာထိခိုက်မှုရှိသည်ဟု ဆိုသည်။
Public Service Announcement
လက်ရှိတွင် လက်နက်ကိုင်တော်လှန်ရေး အရှိန်မြင့်လာသည်နှင့်အမျှ မြို့ပြစစ်ပွဲများ ဖြစ်ပေါ်လာနိုင်သော ကြောင့် ပြည်သူများအနေဖြင့် ပေါက်ကွဲသံများ၊ သေနတ်ပစ်သံများ ကြားပါက လုံခြုံမည့်နေရာတွင် ချက်ချင်းနေရာယူပေးထားရန်နှင့် စစ်ကောင်စီတပ်များနှင့် ဝေးဝေးနေပေးကြရန် CGF က တိုက်တွန်းသည်။
ထို့အပြင် CGF သည် ပြည်သူလူထု ထိခိုက်မှုမရှိစေရေးနှင့် အန္တာရယ်ကင်းရှင်းရေးသည် ပထမဦးစားပေးဖြစ်ပြီး ပြည်သူများအနေဖြင့်လည်း ပူးပေါင်း ပါဝင်ပေးကြရန် မေတ္တာရပ်ခံထားသည်။
