အကြမ်းဖက်စစ်တပ်အာဏာသိမ်းချိန်ကစလို့ မြန်မာ နိုင်ငံမှာ အင်တာနက်လွတ်လပ်ခွင့် ပြိုလဲသွားခဲ့ပြီး အင်တာနက်လွတ်လပ်ခွင့်ဟာ အဆိုးရွားဆုံးအခြေအနေဆိုက်ရောက်ခဲ့တယ်လို့ Freedom House ရဲ့ ထုတ်ပြန်ချက်မှာ ဖော်ပြပါတယ်။
၂၀၂၁ အင်တာနက်လွတ်လပ်ခွင့်ညွှန်းကိန်းမှာ မြန်မာဟာ အမှတ် ၁၀၀ မှာ ၁၇ မှတ်သာရရှိပြီး မနှစ်က ရရှိခဲ့တဲ့ ၃၁ မှတ်ထက် ထက်ဝက်နီးပါးထိုးကျသွားခဲ့တာပါ။
အမြင်မတူတွေကိုတိုက်ခိုက်ဖို့နဲ့ အာဏာကိုထိန်းသိမ်းနိုင်ဖို့ကြိုးစားမှုအစိတ်အပိုင်းအဖြစ် မြန်မာစစ်တပ်ဟာ အင် တာနက်ဝန်ဆောင်မှုတွေကို ပိတ်ချခြင်း၊ လူမှုကွန်ရက်ပလက်ဖောင်းနဲ့ ဝဘ်ဆိုက်တွေကို ပိတ်ဆို့ခြင်း၊ ဆက်သွယ် ရေးဆိုင်ရာအခြေခံအဆောက်အဦတွေကိုထိန်းချုပ်ရယူခြင်းနဲ့ဝင်ရောက်စောင့်ကြည့်မှုတိုးမြှင့်ခြင်း စတာတွေကို လုပ်ဆောင်ခဲ့တယ်လို့ Freedom House ကထုတ်ပြန်ပါတယ်။
အဲဒီအချက်တွေအပြင် ဖမ်းဆီးထိန်းသိမ်းခြင်းနဲ့ ဆိုးဝါးတဲ့ရုပ်ပိုင်းဆိုင်ရာအကြမ်းဖက်မှုတွေအပါအဝင် အခြားသော အတားအဆီးတွေရှိနေပေမယ့် မြန်မာပြည်သူတွေဟာ အာဏာသိမ်းမှုကို ဖြစ်နိုင်သမျှ ဆန့်ကျင်ရေးအတွက် စု စည်းဖို့နဲ့ အသံထွက်ဖို့ ဒစ်ဂျစ်တယ်ကိရိယာတွေကို ဆက်လက်အသုံးပြုခဲ့ကြတယ်လို့ ထုတ်ပြန်ချက်မှာ ဖော်ပြ ပါတယ်။
Public Service Announcement
