ရန်ကုန်မြို့ လှိုင်မြို့နယ် ရွာမကျောင်းလမ်းတွင် ယနေ့ညဦးပိုင်း၌ စစ် ကားတစ်စီး(DC အကြီး)မောင်းနှင်နေစဉ် ကားအတွင်းသို့ ဗုံးပစ်သွင်းကာတိုက်ခိုက်ခံရကြောင်း သတင်းရရှိသည်။
ရွာမကျောင်းလမ်း 1 Stop Mart ရှေ့နား ဖြတ်သွားသည့် စစ်ကားပေါ်သို့ ဗုံးဖြင့်ပစ်ခတ်တိုက်ခိုက်ခံရခြင်းဖြစ်ကာ အထိအခိုက်အကျအဆုံးများနိုင်ကြောင်း မျက်မြင်တွေ့ရှိသည့် ဒေသခံတစ်ဦးက ပြောသည်။
“ရွာမကျောင်းလမ်းထိပ်မှာ စစ်ကားထဲ ဗုံးပစ်ထည့်သွားတာ။ အသံ တော်တော်ကျယ်တယ်။ ခန့်မှန် ၇ နာရီ မိနစ် ၄၀ ဝန်းကျင်လောက်က ဖြစ်တာ”ဟု ၎င်း က ဆိုသည်။ ဗုံးပေါက်ကွဲမှုကြောင့် ထိ့ခိုက် ဒဏ်ရာရမှုအခြေအနေကို People’s Spring ကအတည်ပြုမရသေးပါ။
အခင်းဖြစ်ပွားပြီး နာရီပိုင်းခန့်အကြာတွင် စစ်ကောင်စီတပ်မှ ရဲနှင့် စစ်သားအများအပြားရောက်ရှိလာပြီး လူနေရပ်ကွက်အတွင်း ရမ်းသမ်းပစ်ခတ်သည့် သေနတ်သံများလည်း ကြားနေရကြောင်း အထက်ပါဒေသခံက ဆက်ပြောသည်။
Public Service Announcement
လက်ရှိအခြေအနေတွင် ရွာမကျောင်းလမ်းနှင့် အနီးဝန်းကျင်တွင် စစ်သားနှင့်ရဲများ ခြေရှုပ်နေသောကြောင့် ဒေသခံများမှာ အိမ်ပြင်သို့မထွက်ရဲဘဲ အခြေအနေစောင့်ကြည့်နေရကြောင်း စုံစမ်းသိရသည်။
