စစ်အာဏာသိမ်းတာကိုဆန့်ကျင်တဲ့အနေနဲ့ CDM ပြုလုပ်တဲ့ ဆေးတက္ကသိုလ် (၁) ရန်ကုန်က အမှုထမ်း ၁၀၆ ဦးကို စစ်ကောင်စီ က အလုပ်ကနေ ထုတ်လိုက်ပါတယ်။
ခွင်မဲ့ပျက်ကွက်ပြီး အလုပ်တာဝန်တွေကိုပြန်လည်ထမ်းဆောင်တာမရှိလို့ ပြီးခဲ့တဲ့ သြဂုတ်လအတွင်း စစ်ကောင်စီရဲ့ ကျန်းမာရေးဝန်ကြီးဌာန အစည်းအဝေးဆုံးဖြတ်ချက်အရ အလုပ်ကနေထုတ်လိုက်တာလို့ ဆေးတက္ကသိုလ် (၁) အသိုင်းအဝိုင်းကနေ သိရပါတယ်။
အလုပ်ထုတ်လိုက်တဲ့အပြင် ဝန်ထမ်းတွေကို ထုတ်ချေးထားတဲ့ ၂ လစာ ကိုပြန်သွင်းဖို့ နဲ့မသွင်းရင် ဥပဒေအရ အရေးယူမယ်လို့ခြိမ်းခြောက်ထားတာတွေ့ရပါတယ်။
ဖေဖော်ဝါရီလ ၁ ရက် စစ်အာဏာသိမ်းတာကို ဆန့်ကျင်တဲ့အနေနဲ့ CDM လုပ်ပြီး ဆန့်ကျင်ရာမှာ ကျန်းမာရေးဝန်ထမ်းတွေဟာ ရှေ့တန်းကနေပါဝင်ခဲ့တာပါ။
ဒါကြောင့်စစ်ကောင်စီဟာ ဆရာဝန်တွေ အပါအဝင် ကျန်းမာရေးဝန်ထမ်း
တွေကို ဖမ်းဆီးတာတွေပြုလုပ်ခဲ့ပါတယ်။