မကွေးတိုင်း မြိုင်မြို့နယ် အေးချမ်းသာစံပြရွာတွင် အာဏာသိမ်းစစ်ကောင်စီ၏ သတ်ဖြတ်ခြင်းခံရသော ပြည်သူသုံးဦး၏ ကျန်ရစ်သူမိသားစုအတွက် မြိုင် PDF က ကျပ်ငါးသိန်းစီထောက်ပံ့ခဲ့ကြောင်း ဒေသခံများက ပြောသည်။
စက်တင်ဘာလ ၁၄ ရက်က စစ်ကောင်စီတပ်သားများ၏ သတ်ဖြတ်မှုကြောင့် အေးချမ်းသာစံပြရွာမှ လူငယ်သုံးဦး သေဆုံးခဲ့ရပြီး ကျန်ရစ်သူမိသားစု သုံးစုအတွက် တစ်မိသားစုလျှင် ကျပ်ငါးသိန်းစီထောက်ပံ့ခဲ့သည်။ ထို့အပြင် အခင်းဖြစ်ရာ အေးချမ်းသာစံပြရွာအတွက်လည်း ကျပ်သုံးသိန်းထောက်ပံ့ခဲ့ပြီး ပြည်သူများမှ လှူဒါန်းထားသည့် ငွေထဲမှ ထောက်ပံ့ခဲ့ခြင်းဖြစ်ကြောင်း မြိုင် PDF က အသိပေးသည်။
သေဆုံးသူ သုံးဦးအနက်တစ်ဦးသည် မီးရှိူ့သတ်ဖြတ်ခြင်းကို ခံခဲ့ရခြင်းဖြစ်ပြီး စစ်ကောင်စီတပ်များသည် အေးချမ်းသာစံပြရွာရှိ ဆိုင်ကယ်များနှင့် ကားတစ်စီးကိုလည်း မီးရှို့ဖျက်ဆီးသွားကြောင်း ဒေသခံများက ပြော သည်။
မြိုင်မြို့နယ် အေးချမ်းသာစံပြရွာသည် စစ်ကိုင်းတိုင်းနှင့်မကွေးတိုင်း၊ တိုင်းနှစ်တိုင်း၏ နယ်စပ်ဖြစ်ပြီး အဆိုပါနယ်တစ်ဝိုက်ရှိ ကျေးရွာများမှာ စစ်ကောင်စီတပ်များ၏ အကြမ်းဖက်မှုများ မကြာခဏခံနေရ၍ ထွက်ပြေးတိမ်းရှောင်နေရသည်။
Public Service Announcement
