စစ်ကိုင်းတိုင် ထီးချိုင့်မြို့နယ်မှ စစ်ကောင်စီခန့် တည်တောရွာအုပ်ချုပ်ရေးမှူး ယနေ့မွန်းလွဲ ၁နာရီခန့်က သေနတ်ဖြင့် ပစ်သတ်ခံလိုက်ရသည်ဟု ဒေသခံများကပြောသည်။
တည်တောရွာအုပ်ချုပ်ရေးမှူး ဦးကျော်မောင်သည် ထီးချိုင့်မြို့ပေါ် လက်ဖက်ရည်ဆိုင်တစ်ဆိုင်တွင် ထိုင်နေစဥ်လူတစ်ဦးက သေနတ်ဖြင့် ပစ်ခတ်သွားခြင်းဟု သိရသည်။
“နေ့ခင်း၁နာရီလောက်က သေနတ်နဲ့ပစ်သွားတာ။ ပစ်ပြီး ဆိုင်ကယ်မောင်းထွက်သွားတာ။ ဘေးလူတွေကို ဘာမှ လုပ်မသွားဘူး”ဟု ဒေသခံတစ်ဦးက ပြောသည်။
ထီးချိုင့်မြို့နယ်တွင် ဦးကျော်မောင်အပါအဝင် နှစ်လခန့်အတွင်း စစ်ကောင်စီခန့် ရပ်ကွက်အုပ်ချုပ်ရေးမှုးနှစ်ဦး၊ စစ်ကောင်စီသတင်းပေးနှစ်ဦး အသတ်ခံထားရသည်။
Public Service Announcement
စစ်ကိုင်းတိုင်းဒေသကြီးအတွင်း ထီးချိုင့်မြို့အပြင် မြို့နယ်အများစုသည် အကြမ်းဖက်စစ်ကောင်စီကို ခုခံတော်လှန်မှု အားကောင်းသာဒေသများဖြစ်သည်။
