'/%3E%3C/svg%3E){kind=small}
ရန်ကုန်တိုင်း၊ သန်လျင်မြို့ တာ၀ကညင်ပင်ဘုန်းကြီး ကျောင်းရှေ့တွင် စစ်ကောင်စီသတင်းပေးဟု နာမည်ကြီးသူ အုန်းသန်း ယနေ့ အောက်တိုဘာ ၃ ရက် နံနက်ပိုင်းတွင် သေနတ် ၃ ချက်ပစ်ခံရ၍ သေဆုံးခဲ့ကြောင်း ဒေသခံများက ပြောသည်။
” အုန်းသန်းက မနက်က ကညင်ပင်ဘုန်းကြီးကျောင်းရှေ့မှာ ပစ်ခံရတာပါ။ အုန်းသန်းဆိုတဲ့သူက စစ်တပ်သတင်းပေး ဒလန်လို့နာမည်ဆိုးနဲ့ကျော်ကြားနေသူပါ။ ဒီမနက် ဘိလိယက်ခုံကနေ ပြန်လာရာမှာ အပစ်ခံခဲ့ရတာပါ။ ခေါင်း ၁ချက်၊ ဗိုက် ၂ ချက်ထိမှန်ခဲ့ပြီး နေရာမှာတင် ပွဲချင်းပြီး သေ သွားပါတယ်။ ” ဟု ရပ်ကွက်နေပြည်သူတစ်ဦးက ပြောသည်။
လက်ရှိတွင် တာ၀ကညင်ပင်ဘုန်းကြီးကျောင်း အနီးတစ်ဝိုက်၌ အကြမ်းဖက်စစ်ကောင်စီတပ်များ အင်အားအများအပြားဖြင့် ရောက်ရှိနေကာ စစ်ဆေးမှုများ ပြုလုပ်နေကြောင်း ဒေသခံများက ပြောသည်။
