ခရမ်းမြို့နယ်အတွင်းရှိ ရပ်ကျေးအုပ်ချုပ်ရေးမှူးများအနေဖြင့် ရာထူးမှနှုတ်ထွက်ပြီး ပြည်သူ့ရင်ခွင် အမြန်ဆုံးခုံလှုံကြရန် PDF Khayan က ယနေ့သတိပေးချက်ထုတ်ပြန်သည်။
“သင်တို့၏ ဆုံးဖြတ်ချက်သည် သင်တို့အသက် ၊ သင်တို့ဘဝပင် ဖြစ်သည်။ ထို့ကြောင့် ခရမ်းမြို့နယ်တွင်းရှိ အုပ်ချုပ်ရေးမှူးများအားလုံး ယခုထုတ်ပြန်သည့်နေ့မှ(၁၅)ရက်အတွင်း နုတ်ထွက်၍ ကိုယ့်အလုပ်ကိုကိုယ်လုပ်ကြရန် ကျွန်ုပ်တို့မှ ပြင်းပြင်းထန်ထန် သတိပေး ကြေညာလိုက်သည်”ဟု ထုတ်ပြန်ချက်တွင် ဖော်ပြသည်။
စစ်ကောင်စီသည် ခရမ်းမြို့နယ်တွင်းရှိ အပြစ်မဲ့ ပြည်သူများကို လက်နက်အားကိုးဖြင့် ဓားပြဆန်ဆန် ပြုကျင့်မှုများကို ရပ်ကျေးအုပ်ချုပ်ရေးမှူးများ၏ အကူအညီဖြင့် ဆောင်ရွက်နေကြောင်း PDF Khayan ကထောက်ပြထားသည်။
ခရမ်းမြို့နယ်အတွင်းရှိ အုပ်ချုပ်ရေးမှူးများ အနေဖြင့် အုပ်ချုပ်ရေးမှူးရာထူးမှ နှုတ်ထွက်ပြီး ပြည်သူ့ရင်ခွင်ခိုလှုံပါက ၎င်းတို့ကို ခရမ်းပြည်သူထူထုနှင့် တစ်သားတည်း သတ်မှတ်မည်ဖြစ်ပြီး ထို့သို့မဟုတ်ဘဲ စစ်ကောင်စီ၏ အကြမ်းဖက်လုပ်ရပ်များကို အားပေးကူညီ၍ ဆက်လက်လုပ်ဆောင်နေပါက ပြည်သူ့သစ္စာဖောက် ဒလန်ကြီးများအဖြစ် သတ်မှတ်မည်ဟု PDF Khayan က သတိပေးထားသည်။
Public Service Announcement
