မုံရွာမြို့ ပြည်တော်သာရပ်ကွက်မှ စစ်ကောင်စီသတင်း ပေးအောင်စိုးဆိုသူအား သာစည်လမ်းတွင် ပစ်သတ်ခဲ့ကြောင်း PDF-South Monywaက ယနေ့ ထုတ်ပြန် သည်။
“မိုက်ဇာတ်နိဂုံးချုပ်ကာ ငရဲသို့ပို့ဆောင်ပေးလိုက်ပြီ၊ မြန်မာ့မြေပေါ်တွင် စစ်အာဏာရှင်စနစ် လုံးဝနိဂုံးချုပ်စေရမည်”ဟုလည်း PDF – South Monywa က ကြေညာ သည်။
ယခုလအတွင်း စစ်ကိုင်းတိုင်း မုံရွာမြို့နယ်အတွင်း စစ်ကောင်စီ အခြေစိုက်နေရာများတွင် ဗုံခွဲတိုက်ခိုက်မှုများပြုလုပ်ထားပြီး စစ်ကောင်စီတပ်သားများသေဆုံးမှုလည်းရှိထားသည်။
ထို့အပြင် စက်တင်ဘာ ၃၀ ရက်ကလည်း မုံရွာမြို့ပေါ်ရှိ ပျူစောထီဟု နာမည်ကြီးသူတစ်ဦးမှာ ဆိုင်ကယ်စီးလာစဥ် သေနတ်ဖြင့် ပစ်သတ်ခံရပြီးသေဆုံးသွားကြောင်း သိရသည်။
မုံရွာမြို့ရှိ တော်လှန်ရေးအဖွဲ့များက အာဏာသိမ်းစစ်အုပ်စု၏ စီးပွားရေးထောက်တိုင်များကို ဖျက်ဆီးခြင်းနှင့် ဒလန်ဆိုသူများ၊စစ်ကောင်စီခန့်အုပ်ချုပ်ရေးမှူးများ၊ ရဲများကိုလည်း ဆက်တိုက် သုတ်သင်ရှင်းလင်းနေသည်။