ပြည်သူ့ကာကွယ်ရေးတပ်ဖွဲ့ (ဆော)နှင့် ပူးပေါင်းတော်လှန်ရေးအင်အားစုများက အကြမ်းဖက်စစ်ကောင် စီတပ်များကို ကြားဖြတ်တိုက်ခိုက်ခဲ့ရာ စစ်ကောင်စီတပ်သား ငါးဦးထက်မနည်းသေဆုံးပြီး ၁၀ဦးထက်မနည်း ထိခိုက်ဒဏ်ရာရရှိခဲ့ကြောင်း PDF -Sawက ယနေ့ ထုတ်ပြန်သည်။
ယနေ့ နံနက် ၇နာရီ၁၅မိနစ်ခန့်က ဆောမြို့နယ် ခူးချောင်းကျေးရွာမှ ထွက်ခွာလာသော စစ်ကောင်စီအင်အား ၁၀၀ ခန့်ကို ခူးချောင်းရွာမြောက်ဘက် ဇရပ်နားအရောက်တွင် လက်နက်ကြီးများဖြင့် နှစ်ဘက်ထိတွေ့တိုက်ပွဲများ ဖြစ်ပွားခဲ့ခြင်းဖြစ်သည်။
PDF- SAWဘက်မှ လက်နက်ကြီးဖြင့် စတင်တိုက်ခိုက်ခဲ့ပြီး ပူးပေါင်းတော်လှန်ရေးအင်အားစုများ၏ မိုင်းများမိကာ စစ်ကောင်စီတပ်သားငါးဦးထက်မနည်း ကျဆုံးနိုင်ပြီး၁၀ ဦးထက်မနည်း ထိခိုက်ဒဏ်ရာမှုရှိသည်ဟု PDF -Sawက ခန့်မှန်းသည်။
အဆိုပါတိုက်ပွဲမှာ လေးနာရီခန့်ကြာမြင့်ခဲ့ပြီး PDF- SAW ဘက်မှ ရဲဘော်တစ်ဦးကျဆုံးကာ ကျန်ရဲဘော်အားလုံးဘေးကင်းစွာ ဆုတ်ခွာနိုင်ခဲ့သည်ဟု ထုတ်ပြန်ချက်၌ပါရှိသည်။
Public Service Announcement
ယနေ့တွင် ကရင်ပြည်နယ်၊ကချင်ပြည်နယ် နှင့် စစ်ကိုင်း တိုင်းအတွင်း၌လည်း တိုက်ပွဲများ ပြင်းထန်နေသည်။
ပြည်သူများအနေဖြင့် နေရာအနှံ့တိုက်ပွဲများအချိန်မရွေးဖြစ်ပေါ်နိုင်ကာ စစ်ကောင်စီမှ စစ်ကြောင်းများထိုးပြီး မကြာခဏဖြတ်သန်းသွားလာနေခြင်းတို့ကြောင့် ခရီးသွားလာခြင်းများ မပြုလုပ်ကြပါရန်နှင့် မဖြစ်မနေ သွားလာရမည်ဆိုပါက အထူးသတိပြုသွားလာခြင်း ပြုလုပ်ပေးကြရန် PDF Saw က အသိပေးထားသည်။
