အာဏာသိမ်းမြန်မာစစ်ကောင်စီခေါင်းဆောင်ကို ချန်လှပ်ပြီး အာဆီယံထိပ်သီးအစည်းအဝေးကျင်းပနိုင်ဖို့ အာဆီယံ နိုင်ငံခြားရေးဝန်ကြီးတွေလာမယ့် သောကြာနေ့ မှာ ဆွေးနွေးကြမယ်လို့ သိရပါတယ်။
အဲဒီအစည်းအဝေးကို အာဆီယံ ဥက္ကဋ္ဌ ဘရူးနိုင်းကနေ ကမကထ လုပ်ကာ အွန်လိုင်းကနေ လာမယ့်သောကြာနေ့မှာ ပြုလုပ်မှာ လို့ ရိုက်တာသတင်းဌာနက ဖော်ပြပါတယ်။
ဒီအစည်းအဝေးပေါ် စစ်ကောင်စီ ပြောရေးဆိုခွင့်ရှိသူက မှတ်ချက်ပြုတာမျိုးမရှိပါဘူး။
မြန်မာ့အရေးကို ဖြေရှင်းဖို့ စစ်ကောင်စီပါ သဘောတူထားတဲ့ အာဆီယံ ဘုံသဘောတူညီချက် ၅ ချက်ကို ဖော်ဆောင်ဖို့ပျက်ကွယ်တာကြောင့် စစ်ကောင်စီကို အာဆီယံနိုင်ငံအချို့က ဝေဖန်တာတွေရှိနေပါတယ်။
Public Service Announcement
မလေးရှားနိုင်ငံခြားရေးဝန်ကြီးကဆို ဒီလိုပျက်ကွက်မှုတွေအပြင် အာဆီယံ အထူးကိုယ်စားလှယ်နဲ့ ပူးပေါင်းမှုမတိုးတက်ရင် စစ်ခေါင်းဆောင် ထိပ်သီးအစည်းအဝေးတက်ဖို့ ခက်ခဲလိမ့်မယ်လို့ ထုတ်ပြောထားပါတယ်။
အာဆီယံထိပ်သီးအစည်းအဝေးကို ဒီလကုန်ပိုင်းမှာ ကျင်းပဖို့ရှိနေတာပါ။
(ဧပြီလက စစ်ကောင်စီခေါင်းဆောင်ကိုတက်ခွင့်ပြုတဲ့အာဆီယံထိပ်သီးအစည်းအဝေးကိုတွေ့ရစဉ်)
