'/%3E%3C/svg%3E){kind=small}
မန္တလေးတိုင်း ပြင်ဦးလွင်ခရိုင် မတ္တရာမြို့နယ် တောင်ကန်ကျေးရွာအုပ်စုအောင်ချမ်းသာကျေးရွာမှ စစ်ကောင် စီသတင်းပေးဆိုသူ နိုင်ထွန်းသည် ယနေ့(အောက်တိုဘာ ၁၄)နံနက်တွင် ပစ်ခတ်ခံရ၍ သေဆုံးသွားကြောင်းဒေသခံက ပြောပြသည်။
“မနက်က ပျူစောထီးအဖွဲ့ဝင် တစ်ဦး အပစ်ခံရတယ်။ အပစ်ခံရတဲ့သူရဲ့ နာမည်က နိုင်ထွန်းတဲ့။ အပစ်ခံရတဲ့သူက ငါးချက်အပစ်ခံရတယ်။ တစ်ချက်က ပေါင်ကိုထိတယ်လို့ပြောတယ်။အပစ်ခံရတဲ့နေရာကနေ ဆိုင်ကယ်ထားပြီး ထွက်ပြေးတယ်တဲ့။သူအိမ်ကို ပြေးပြီး ငါဒလန်မဟုတ်ဘူးလို့အော်တယ်တဲ့”ဟု ဒေသခံက ပြောသည်။
အဆိုပါ ပစ်ခတ်ခံရသူသည် အောက်တိုဘာ ၇ရက်က အောင်ချမ်းသာရွာသို့ စစ်ကောင်စီတပ်မျာ လာရောက်စဉ် စစ်ကောင်စီကို သတင်းပေးအဖြစ်လုပ်ဆောင်ခဲ့သည်ဟုဒေသခံအချို့က ပြောသည်။
ထိုသို့ ပစ်ခတ်မှုဖြစ်ပြီးနောက် စစ်ကောင်စီတပ်များ ကျေးရွာသို့ ရောက်ရှိလာပြီး ယနေ့ ညနေပိုင်းထိ ရွာ၌ တပ်စွဲထားကြောင်း၊ ကျေးရွာသူ ကျေးရွာသားများလည်း ထွက်ပြေးတိမ်းရှောင်နေကြောင်း ဒေသခံက ပြောသည်။
Public Service Announcement
